Хаартыска: Мария Васильева, СИА.
2024 сыллаахха Саха сирин олохтоохторо уонна волонтердар “Ыраас Арктика” федеральнай бырайыак көмөтүнэн Арктика сиригэр-уотугар 700 туонна кэриҥэ хаарбах тимири хомуйдулар. Бу туһунан ТАСС-ка СӨ Арктиканы сайыннарыыга уонна Хоту сир норуоттарын дьыалаларыгар миниистир солбуйааччыта Сергей Неустроев иһитиннэрдэ.
“2024 сылга “Ыраас Арктика” федеральнай бырайыак үлэтин түмүгүнэн 700 туонна кэриҥэ хаарбах тимир, атын да туһата суох бөх хомулунна, 9 га иэннээх сир ыраастанна, 140-тан тахса киһи кытынна”, — диэн кэпсээтэ Неустроев. — “Ыраас Арктика” бырайыак төрдүс сезона атырдьах ыйын 27 күнүгэр Ил Дархан Айсен Николаев уонна бырайыак салайааччыта Андрей Нагибин кыттыылаах Тиксии бөһүөлэгэр аһыллыбыта. Булуҥ улууһун Тиксии бөһүөлэгэр 550 туонна хаарбах тимир хомуллубута, 3 га сир ыраастаммыта, манна араас эрэгийиэнтэн сылдьар федеральнай ыстаап 12 волонтера, 20 олохтоох дьон кыттыыны ылбыттара”.
“Муус устарга “Янолово” хампаанньа кыһыҥҥы суолунан 80 туонна хаарбах тимири Сайылыктан уонна Чокурдаахтан Дьокуускайга илдьибитэ, балаҕан ыйыгар “Арктиквтормет” хампаанньа Тиксиигэ “Петротранс-5901” устар аалга 2285 туонна хаарбах тимири куруустаабыта. Салгыы бу хаарбах тимир Архангельскай нөҥүө тиийэн, уулларыллан саҥаттан туһаҕа тахсыа”, — диэтэ миниистир солбуйааччыта.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…