Саха сиригэр үс бааллаах сир хамсааһына бэлиэтэннэ

Муус устар 28 күнүгэр Саха сирин хотугулуу-илиҥҥи өттүгэр үс бааллаах сир хамсааһына буолла.

Сир хамсааһына Абый оройуонугар бэлиэтэннэ, диэн «Единая геофизическая служба РАН» федеральнай чинчийэр киин Саха сиринээҕи филиалыгар иһитиннэрдилэр.

«Муус устар 28 күнүгэр түүн 03:26:05 чааска, Саха сирин хотугулуу-илиҥҥи өттүгэр Абый оройуонугар сир хамсааһына бэлиэтэннэ. Координатата — 67.68 , 142.34 . Дириҥэ — 15 километр, Раутиан энергетическай кылааһа — 9,3», — диэн иһитиннэриигэ этиллэр.

Исписэлиистэр бу сирдэргэ 2013 сыл олунньу 14 күнүгэр тоҕус бааллаах күүстээх сир хамсааһына тахсыбытын санаттылар.