Хаартыска: https://pxhere.com/
Саха сирэ бүттүүнэ ыар сүтүктэннэ. Атырдьах ыйын 4 күнүгэр 86 сааһыгар Саха Өрөспүүбүлүкэтин бастакы бэрэсидьиэнэ, Саха Өрөспүүбүлүкэтин судаарыстыбаннай сүбэһитэ Михаил Ефимович Николаев олохтон туораата. Өрөспүүбүлүкэҕэ үс күннээх кутурҕан биллэрилиннэ.
Михаил Ефимович өрөспүүбүлүкэ уонна дойду дьиҥнээх патриота этэ. Кини тиһэх күннэригэр диэри Саха сирин интэриэһин көмүскүү турбута. Кини өрөспүүбүлүкэ устуоруйатыгар умнуллубат суолу-ииһи хаалларда. Хаалларбыт нэһилиэстибэтэ өлбөт үйэлээх. Кэнэҕэски көлүөнэ кини экэниэмикэҕэ, уопсастыбаннай-бэлитиичэскэй, култуурунай, духуобунай кылаатын махтанан өйдүөҕэ, саныаҕа. Саха норуотун дириҥ кутурҕанын тэҥҥэ үллэстэбит.
«Ыар аһыы уонна кутурҕан. Михаил Ефимович Саха сиригэр тугу оҥорбутун барытын суруйар, кэпсиир кыаллыбат. Киниэхэ мэлдьи бириинсиптээх буолуу, күүс-уох, халбаҥнаабат дьулуур уонна амарах санаа, дьоҥҥо таптал – барыта тэҥҥэ дьүөрэлэһэллэрэ. Кини кэми өтө көрөрө, элбэҕи ыраланара. Хас биирдии Саха сирин олохтооҕор Михаил Ефимович чугас киһи. Бастакы. Улуу. Биһиги киэн туттуубут, баайбыт. Үйэ, кэм-кэрдии киһитэ», — диэн Саха сирин Ил Дархана Айсен Николаев Михаил Ефимович дьиэ кэргэнигэр уонна чугас дьонугар дириҥ кутурҕанын биллэрдэ.
Ил Дархан кини санаата, бөлүһүөктүү сүбэлэрэ-амалара олоххо үйэ саас тухары тулхадыйбат тосхоллорунан хаалыахтара диэн бэлиэтээтэ.
Эльдар Садовников
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…
Ахсынньы 19 күнүгэр «Үргэл» арт-галереяҕа Татыйаас Филиппова «Дойду» диэн ааттаах бастакы персональнай быыстапката аһыллыа. Саҥа…