Саха сиригэр үс ойуур баһаара умуруоруллубут

Саха сиригэр ааспыт сууккаҕа 225,5 га иэннээх 4 саҥа ойуур баһаара, ону таһынан 2 ландшафтнай баһаар регистрацияламмыт.

Экологияҕа, айылҕаны туһаныыга уонна ойуур хаһаайыстыбатын министирин солбуйааччы Андрей Коноплев брифиҥҥэ иһитиннэрбитинэн, ойаар баһаара Дьааҥы, Таатта, Уус Алдан, Эбээн-Бытантай оройуоннарыгар, ону тэҥэ «Дьокуускай куорат» куораттааҕы уокурукка бэлиэтэммит.

Уот бохсооччулар күүстэринэн 3 ойуур баһаарын уонна 1 ландшафтнай баһаар умуруоруллубуттар. Суукка саҕаланыыта 2 ойуур баһаара баар: Эбээн-Бытантай оройуонугар уонна ландшафтнай «Дьокуускай куорат» куораттааҕы уокурукка. Коноплев этэринэн, икки баһаар уустук суоллаах, ыраах сытар сирдэргэ бааллар.

Баһаартан сэрэхтээх буолуу сезона саҕаланыаҕыттан Саха сирин территориятыгар 81 ойуур баһаара регистрацияламмыт.

«Ойуур уонна ландшафтнай ойуур баһаарын сүрүн биричиинэтинэн киһи буолар. Айылҕаҕа тахсыыга сэрэхтээх буолуҥ. Сезон саҕаланыаҕыттан ойуур баһаарыгар номнуо 27 киһи буруйданна. 62 боротокуол оҥоһулунна», — диэтэ иниспиэктэр. Сезон саҕаланыаҕыттан барыта 248 айылҕа ойуур баһаара умуруоруллубут. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.