Ахсынньы 8 күнүгэр Ил Дархан Айсен Николаев көҕүлээһининэн Аҕа дойду дьоруойдарын күнүн иннинэ өрөспүүбүлүкэ үрдүнэн фашизмы утары пуорум ыытыллара күүтүллэр. Пуорум сүрүн соруга — фашизм кутталын суох оҥоруу буолар.
Айсен Николаев бэлиэтииринэн, бу пуорум дойду үрдүнэн биир бастакынан Арассыыйа оборонуонатын министиэристибэтин өйөбүлүнэн ыытыллар. Бэлиэтээн эттэххэ, алтынньы 22 күнүгэр Ил Дархан Айсен Николаев РФ оборуонаҕа миниистирин солбуйааччы Виктор Горемыкины кытта көрсүбүтэ. Кинилэр бу көрсүһүүгэ байыаннай-патриотическай бэбииэскэни уонна эрэгийиэннэргэ антифашисткай хайысханы киллэрии туһунан кэпсэппиттэрэ.
«Биһиги уопсастыбаҕа неофашизмы уонна нацизмы кыайыахтаахпыт. Үгэс буолбут сыаннастары бөҕөргөтүөхтээхпит. Пуорум сүрүн тиэмэтинэн байыаннай дьайыы кыттыылаахтарын бары өттүнэн өйөөһүн буолар», — диэн СӨ ыччат дьыалаларын уонна социальнай коммуникация миниистирэ Петр Шамаев иһитиннэрдэ.
Пуорумҥа федеральнай эспиэртэр кыттыыны ылыахтара. Ол курдук, «Наука. Общество. Оборона» сурунаал сүрүн эрэдээктэрэ, аракыата уонна артиллерийскай наука Арассыыйатааҕы акадьыамыйатын чилиэн-кэрэспэдьиэнэ Владимир Кикнадзе, ДНӨ аҕа баһылыгын сүбэһитэ Игорь Кимаковскай кэлиэхтэрэ. Ону таһынан атын эспиэртэр онлайн ситиминэн холбонуохтара. Саха сиригэр ыытыллыбыт пуорум түмүгүнэн резолюция ылыныллыаҕа.
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…
2025 сылга араас таһымнаах быыбардарга байыаннай дьайыы 890 кыттыылааҕа мандааттаах ылбыт. Бу туһунан «Биир ньыгыл…
Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…