Саха сиригэр «Защитники Отечества» судаарыстыбаннай пуонда филиалын арыйыахтара
![](https://sakha-sire.ru/wp-content/uploads/2023/04/zashh4-854x596.jpeg)
Бүгүн өрөспүүбүлүкэ Ил Дархана Айсен Николаев Нерюнгригэ сырыытын кэмигэр «Защитники Отечества» байыаннай эпэрээссийэ кыттыылаахтарын өйүүр судаарыстыбаннай пуонда бэрэссэдээтэлэ Анна Цивилева Саха Өрөспүүбүлүкэтигэр пуонда филиалын арыйыы боппуруостарынан сүбэ мунньаҕы ыыттылар.
![](https://sakha-sire.ru/wp-content/uploads/2023/04/zashh1.jpeg)
— Бу хайысхаҕа үлэ олунньу ыйтан саҕаламмыта. Биһиги «Биир түннүк» көрүҥүнэн өйөбүл миэрэтин оҥоробут. Оройуоннарбытын, куораттарбытын бу үлэҕэ кытыннарабыт. Волонтердар көмөлөһөллөр. Биһиги пуонда үлэтигэр бары өттүнэн көмөлөһөргө, пуонда отделениетыгар үлэлиир миэстэ биэрэргэ бэлэммит, — диэтэ Айсен Сергеевич сүбэ мунньахха.
![](https://sakha-sire.ru/wp-content/uploads/2023/04/zashh3-e1680946421152.jpeg)
Анна Цивилева өрөспүүбүлүкэ Ил Дарханыгар үлэни суһаллык тэрийиини көҕүлүүрүн иһин махтанна.
— Биһиги социальнай сүрүннээччилэри бэлэмнээһиҥҥэ болҕомтобутун ууруохпут. Дьон пуонда отделениетыгар кэлэн наадалаах көмөнү ыларын ситиһиэхтээхпит, — диэтэ Анна Цивилева.
![](https://sakha-sire.ru/wp-content/uploads/2023/04/zashh2-e1680946467838.jpeg)
Социальнай сүрүннээччилэри үөрэтиини сотору кэминэн саҕалыахтара. Онон үгүс көмө оҥоһулларыгар кыах уурулунна.
Сообщить об опечатке
Текст, который будет отправлен нашим редакторам: