Хаартыска СӨ Бырабыыталыстыбатын пресс-сулууспатыттан
Саха сириттэн 20-тэн тахса стела II Бүтүн Арассыыйатааҕы “Муниципальнай тэриллиилэр кыраныыссаларыгар турар уонна уопсастыбаннай сирдэргэ киирэр стелалар” куонкуруска кыттар. Бу көҕүлээһин муниципалитеттар үтүө мөссүөннэрин киэҥник тарҕатарга уонна куорат табыгастаах эйгэтин оҥорорго туһуланар диэн СӨ Бырабыыталыстыбатын пресс-сулууспата иһитиннэрэр.
Бу күннэргэ куонкурус кэтэхтэн ыытыллар түһүмэҕэ түмүктэннэ. Онно дойду үрдүнэн 970 сайаапка киирбит. Ахсынньы 10 күнүгэр «ВКонтакте” социальнай ситим “ГорСреда” холбоһугун платформатыгар аһаҕас уопсастыбаннай куоластааһын саҕаланна, ол куонкурус финалын түһүмэҕэр диэри салҕаныаҕа.
Саха сирэ Бүтүн Арассыыйатааҕы куоластааһыҥҥа 20-тэн тахса кыттааччы бырайыагынан кыттар. Олор ортолоругар Дьокуускай куорат, Алдан, Ньурба, Нам, Мэҥэ Хаҥалас, Таатта, Кэбээйи, Ленскэй уонна Чурапчы оройуоннарыгар баар стелалар киирэллэр.
Куонкурус кыайыылаахтара аһаҕас куоластааһын түмүгүнэн быһаарыллыахтара. Эспиэрдэр хамаандалара талбыт бастыҥ үлэлэрэ 2026 сыл олунньутугар Арассыыйа Федерациятын Федеральнай Мунньаҕын Үрдүкү Сэбиэтигэр ыытыллар «Арассыыйа куораттарын сирэйдэрэ” диэн фотобыыстапкаҕа көрдөрүллүөхтэрэ.
Куоластааһын түмүгэ ахсынньы 24 күнүгэр буолуоҕа. Онтон кыайыылаахтары быһаарыы ахсынньы 26 күнүгэр былааннанар. Куонкурус РФ тутуу уонна олох-дьаһах коммунальнай хаһаайыстыбатын министиэристибэтин, ВАРМСУ уонна Олохтоох холбоһуктар сайдыыларын Институтун өйөбүлүнэн ыытыллар.
Бүтүн Арассыыйатааҕы куоластааһыҥҥа бастыҥ стелалар куонкуруска киирбит муниципальнай тэриллиилэр тустарынан эбии иһитиннэриини Бүтүн Арассыыйатааҕы куонкурус официальнай сайтыгар ааҕыахха сөп.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…