Хаартыска: ЯСИА
СӨ Ил Дархана Айсен Николаев өрөспүүбүлүкэ 2035 сылга диэри социальнай-экэнэмиичэскэй сайдыытын саҥардыллыбыт стратегиятын, ону таһынан 2050 сылга диэри тускуллаах көрүүлэрин дьүүллэстэ. Айсен Николаев бэлиэтээбитинэн, стратегия болдьоҕо 2035 сылга диэри уһатылынна уонна федеральнай, өрөспүүбүлүкэтээҕи таһымнаах стратегическай былааннааһын сүрүн докумуоннарын кытта сөп түбэһиннэрилиннэ.
«Биһиги дойду биир хамаандатынан үлэлиибит. Саха сирин стратегията Арассыыйа Бэрэсидьиэнэ Владимир Владимирович Путин туруорбут бүтүн дойдутааҕы кууруһун сүнньүнэн сайдар. РФ Бырабыыталыстыбатын бэрэссэдээтэлин солбуйааччы – Уһук Илин федеральнай уокурукка Бэрэсидьиэн боломуочуйалаах бэрэстэбиитэлэ Юрий Петрович Трутнев салалтатынан макрорегион сайдыытыгар биир кэлим сыһыан олохтонор. Докумуону бэлэмнээһиҥҥэ «Востокгосплан» федеральнай автономнай научнай тэрилтэ кыттар. Бу тэрилтэ Саха сирин соруктарын Уһук Илин 2036 сылга диэри сайдар федеральнай стратегиятын кытта дьүөрэлииргэ көмөлөһөр», — диэн Ил Дархан эттэ.
Айсен Николаев этэринэн, «Востокгосплан» кыттыылаах оҥоһуллубут саҥардыллыбыт стратегия, өрөспүүбүлүкэ уһун болдьоххо бигэ туруктаах сайдыытын хааччыйар инниттэн, билиҥҥи ыҥырыыларга эппиэттиир. Докумуоҥҥа дойду Бэрэсидьиэнин Уһук Илин федеральнай уокуругун уонна дойду Арктикатааҕы зонатын сайыннарыыга сорудахтарыгар, РФ национальнай сайдыытын сыалларыгар, ону тэҥэ 2030 сылга диэри уонна 2036 сылга диэри кэскиллээх национальнай сайдыы сыалларын ситиһии Биир кэлим былааныгар олоҕуран сыаллар-соруктар киллэрилиннилэр. Стратегия бырайыага Ил Дархан стратегическай ыйаахтарын кытта эмиэ дьүөрэлэнэр. Дьүүллэһии түмүгүнэн Айсен Николаев Саха сирин Бырабыыталыстыбатыгар уонна биэдэмистибэлэргэ бары этиилэри учуоттаан бырайыагы ситэрэн биэрэргэ уонна түмүк көрдөрүүлэри быһаарарга сорудахтаата. Саҥардыллыбыт Стратегия Саха сирин уһун болдьохтоох сайдыытын сүрүн хайысхаларын быһаарыаҕа уонна өрөспүүбүлүкэ сокуонунан бигэргэниэҕэ. Сиһилии манна ааҕыҥ: https://www.sakha.gov.ru/news/15159
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…