Саха сирин 23 тыһ. тахса выпускнига БКЭ уонна ГИА туттарыаҕа

Саха сиригэр 9-с уонна 11-с кылаас үөрэнээччилэригэр судаарыстыбаннай түмүк аттестациятыгар бэлэмнэнии үлэтэ түмүктэннэ. Бу туһунан Үөрэх уонна билим министиэристибэтигэр иһитиннэрдилэр.

Быйыл эксээмэнээри 23 401 үөрэнээччи туттарыаҕа, мантан 8537 оҕо — 11 кылаас үөрэнээччитэ уонна 14 864 оҕо — 9 кылаас үөрэнээччитэ. Эрэгийиэҥҥэ БКЭ-ни ыытарга 230 пуун, оттон ССЭ — 319 пууннар аһыллыахтара.

Эксээмэннэр аһаҕас буолууларын хааччыйарга 2665 уопсастыбаннай кэтээн көрөөччүлэр тардылыннылар. Бары 6383 үлэһиттэр эксээмэннэри ыытыыга федеральнай киин платформатыгар үөрэнэн сертификацияны аастылар. Ону таһынан эксээмэннэри ыытыы уонна кыттааччылар бырааптарын хаачыстыбатын үрдэтиигэ бүтүн эксээмэн хампаанньата былаһын тухары үлэлиир ситуационнай-информационнай кииннэр онлайн үлэлиэхтэрэ.