Саха сирин 36 бастыҥ педагог-настаабынньыга Ил Дархан бириэмийэтин тутуоҕа

Учуутал күнүгэр сүүмэрдээһин түмүгүнэн талыллан, өрөспүүбүлүкэ 36 бастыҥ педагог-настаабынньыга Ил Дархан Айсен Николаев бириэмийэтин тутуоҕа.

Бу күннэргэ бары муниципальнай оройуоннарга уонна куорат уокуруктарыгар 120 кыттааччыттан бастыҥнары талар аһаҕас куоластааһын бара турар.

Куонкуруска настаабынньык үлэтин ыытар, оскуола иннинээҕи, алын, сүрүн, орто сүһүөхтэр, орто уонна эбии үөрэхтээһин бырагыраамаларын олоххо киллэрэр педагогтар кытталлар.

Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.