Хаартыска: minobrnauki.sakha.gov.ru саайтан.
“Ыччат уонна оҕо аймах” национальнай бырайыак “Бастыҥ барыта оҕоҕо” федеральнай бырайыак иитинэн, Саха сирин оскуолаларын “Дойдуга куттал суох буолуутун, көмүскэлин төрүтэ” уонна “Үлэ” уруогун кылаастарын саҥа тэрилинэн хааччыйаллар.
Үөрэх уонна билим министиэристибэтин бирикээһинэн, бырайыагы С.Н.Донской-II аатынан Үөрэҕи сайыннарар уонна идэ таһымын үрдэтэр институт сүрүннүүр.
Аныгы тэрил көмөтүнэн оҕолор куттал суох буолуутугар үөрэниэхтэрэ уонна үлэ быраактыкатыгар сатабылы баһылыахтара. Ол курдук, оскуолаларга бастакы көмөнү оҥорууга үөрэтэр кэмпилиэктэрэ, уопсай байыаннай көмүскэнэр кэмпилиэк, Калашников аптамаат макета, граната куопуйата баар буолбуттар. Үлэ уруогар уолаттар аныгы станоктарынан уонна саҥа тэриллэринэн үлэлиэхтэрэ: илии фрезернэй массыыналара, уотунан барар быһар тэриллэр, муннуктары чочуйар массыыналар, маһы быһа сиэтэн ойуу түһэрэр тэриллэр баар буолбуттар, оттон кыргыттар саҥа иистэнэр массыыналаммыттар.
Педагогтар, саҥа тэриллэри тутуохтарыттан үөрэх усулуобуйата тупсубутун бэлиэтииллэр, оҥорон таһаарыыга (конструирование) уонна бэлэм оҥоһугу таҥыыга уруоктары ыытар кыаллар буолбутун бэлиэтииллэр. Билигин оҕолор моделын бэйэлэрэ толкуйдаан, ону илиилэринэн оҥорон таһаарар уонна чопчу сорудахтары толорууга хамаанданан үлэлиир кыахтаммыттар.
Бу туһунан Үөрэх уонна билим министиэристибэтин телеграм-ханаалыгар сырдаталлар.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…