Хаартыска: сахагов
2022 сылтан 6,2 тыһ. тахса Саха сирин олохтооҕо социальнай хантараагынан 1,7 млрд солкуобайы ылбыттар. Дьон бэйэ дьыалатын, кэтэх хаһаайыстыбатын сайыннарар. Бу сылтан бу үлэни Арассыыйа Бэрэсидьиэнин Владимир Путин көҕүлээбит “Дьиэ кэргэн” национальнай бырайыагы толоруунан Үлэ министиэристибэтэ ыытар. Бу туһунан sakha.gov.ru иһитиннэрэр.
“Соцхантараак тэрили, миэбэли, тиэхиньикэни атыылаһыыга, дьиэни арыандалааһыҥҥа, үлэ миэстэтин тэрийиигэ туһаныллар. Бу миэрэ дьон дохуот аахсарыгар көмөлөһөр”, — диэбитэ Ил Дархан Айсен Николаев.
Саха сирин оройуоннарыгар холобур үгүс. Ол курдук, Булуҥ оройуонун Күһүүр сэл. элбэх оҕолоох ийэтэ Ирина Корякина 450 тыһ. солк. госөйөбүлүнэн хоруоҥкаттан оҥоһуктары оҥорон атыылыыр.
Чурапчы улууһуттан элбэх оҕолоох аҕа Станислав Барашков автосервис арыйбыта, тэрээһиннэргэ успуонсардыыр. Нерюнгрига үс оҕолоох ийэ шоколад уонна клубничнай букет устуудьуйатын арыйбыта. Дьокуускайга Антонина Попова витражка бастакы мастарыскыайы үлэлэттэ. Ленскэйгэ Туйаара Пестерева национальнай таҥаһы тигэр.
Байыаннай дьайыы саҕаланыаҕыттан 65 социальнай хантараак кыттааччылары уонна кинилэр дьиэ кэргэттэрин кытта 110 түһэрсилиннэ.
Холобура, Ньурба улууһун Үөдэй сэл. байыаннай дьайыы бэтэрээнэ Николай Аммосов кондитерскайы арыйан, олохтоохтору хааччыйар.
Байыаннай дьайыы кыттыылаахтара уонна дьиэ кэргэттэрин чилиэннэрэ үлэ көрдөнүөхтэрин сөп. Ону тэҥэ үөрэнэргэ уонна хаттаан үөрэнэргэ көмөлөһөллөр, стажировкалара төлөнөр.
Сиһилии иһитиннэриини оройуоннар дьаһалталарыттан, МФЦ офиһыттан эбэтэр олорор сиргитинэн Социальнай көмүскэл управлениетыттан ылыҥ. Сиһилии: https://www.sakha.gov.ru/news/14793
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…