Саха сирин аатырбыт сүүрүк атыыра чаҕылҕаҥҥа оҕустаран өлбүт

Саха сирин аатырбыт сүрүгэ Мэйн Конинг чаҕылҕаҥҥа оҕустаран өлбүт. Маны бэтэринээрдэр эспэртиисэлэрэ быһаарбытын туһунан ЯкутияDaily суруйар.

Мэйн Кониг Ил Дархан бирииһигэр сүүрдүүгэ үс төгүл бастаан турар, иккитэ – Манчаары Оонньууларыгар чөмпүйүөннээбитэ, Лээги Кубогын ылбыта.

Чурапчы улууһун аатыттан кыттар атыыр ыстаарка 36 төгүл тахсыбыт итиэннэ чахчы уһулуччулаах бигэ сүүрүк буоларын көрдөрбүт: 21 бастаабыт, 8 иккистээбит уонна 5 үһүс миэстэни ылбыт, ону тэҥэ,  биирдэ төрдүс буолбут — Ил Дархан бирииһигэр. Биир эрэ сүүрүүгэ бирииһэ суох хаалбыт.

Мэйн Кониг 2013 сыллаахха АХШ төрөөбүт, аатырбыт Майншафта аҕалаах, Тзе Куинз Стэмп ийэлээх.

Бу туһунан ЯкутияDaily суруйар.