Хаартыска: SakhaGov
Саха сиринээҕи Аҕа дойду буойуннарын кэргэттэрин кэмитиэтин дэлэгээссийэтэ Петропавловск-Камчатскай куоракка ыытыллыбыт Уһук Илин федеральнай уокурук Аҕа дойду буойуннарын кэргэттэрин кэмитиэтин пуорумугар кытынна. Бу туһунан брифиҥҥэ Саха сиринээҕи кэмитиэт салайааччытын солбуйааччыта Саргылана Неустроева иһитиннэрдэ.
«Камчаткаҕа ыытыллыбыт уокуруктааҕы пуорум бэйэтин былаһааккаларыгар анал байыаннай дьайыы кыттыылаахтарын, кинилэр кэргэттэрин, үтүө көмөһүттэри, федеральнай эспиэрдэри уонна эрэгийиэн былааһын бэрэстэбиитэллэрин түмтэ. Эрэгийиэннээҕи ыстааптар бастыҥ уопуттарын кытта билсии уонна уопуту күүрээннээхтик атастаһыы буолла. Өлбүт буойуттар кэргэттэригэр өйөбүл миэрэлэрин кэҥэтииттэн саҕалаан, патриотическай иитиигэ уонна историческай өйдөбүлү харыстааһыҥҥа саҥа ньымаларга тиийэ саамай суолталаах тиэмэлэр дьүүллэстилэр», – диэн спикер кэпсээтэ.
Саха сирин дэлэгээссийэтин чилиэннэрэ пуорумҥа өрөспүүбүлүкэтээҕи кэмитиэт ыстаабын үлэтин кытта билиһиннэрдилэр, Анал байыаннай дьайыы кыттыылаахтарын кэргэттэрин уонна эрэгийиэн былаастарын кытта хайдах үлэни тэрийэллэрин, Саха Өрөспүүбүлүкэтин оройуоннарыгар ханнык бырайыактары олоххо киллэрэллэрин туһунан кэпсээтилэр.
Санатан эттэххэ, Аҕа дойду буойуннарын кэргэттэрин кэмитиэтин пуорумнара урут Екатеринбург, Тамбов, Архангельскай уонна Краснодар куораттарга ыытыллыбыттара.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…