Саха сирин аҕалара биисинэскэ үөрэниэхтэрин уонна грант сүүйүөхтэрин сөп

«Урбаанньыт аҕалар» үөрэх бырайыага бу сыл алтынньы 28 күнүттэн сэтинньи 22 күнүгэр диэри ыытыллыаҕа.

Босхо үөрэтии түмүгүнэн кыттааччылар биисинэс бырайыактары бэлэмниэхтэрэ, олортон бастыҥ ааптарга бэйэтин дьыалатын арыйыыга эбэтэр сайыннарыыга 150 тыһ. солк. суумалаах грант ананыаҕа.

Бырайыакка сокуоннай саастарын ситэ илик оҕолоох, ону тэҥэ биисинэһинэн дьарыктанар урбаанньыт эр дьон, эбэтэр 1 сылтан итэҕэһэ суох бэйэ дьыаланы арыммыт уонна бииртэн итэҕэһэ суох сааһын ситэ илик оҕолоох урбанньыттар ыҥырыллаллар. Үөрэхтээһин урбаан сүрүн төрүтүгэр уонна биисинэһи көдьүүстээхтик салайыыга ананар. Үөрэҕи уопуттаах  биисинэскэ тириэньэрдэр уонна биисинэс уопсастыбатын бэрэстэбиитэллэрэ ыыталлар.

Үөрэх бырагыраамата икки түһүмэхтэн турар. Онлайн бырагыраама бу сыл алтынньы 28 күнүттэн сэтинньи 15 күнүгэр диэри нэдиэлэҕэ иккитэ 2-лии чаас устата буолар. Кыттааччыларга дьарыктарга киирэргэ анаан сигэни ыытыахтара. Сирэй көрсөн үөрэх бырагыраамата сэтинньи 18-21 күннэригэр сарсыарда 10.00 чаастан киэһэ 17.30 чааска диэри «Мой Бизнес» кииҥҥэ буолуоҕа.

Босхо үөрэнэргэ сайаапканы бу сыл алтынньы 20 күнүгэр диэри күүтэллэр. Бырайыакка кыттарга бу сигэнэн регистрацияны ааһаҕыт: https://forms.yandex.ru/cloud/66df90c73e9d08133a477405/. Ону таһынан анкетаны толоруохха уонна биисинэс идиэйэни сиһилии суруйар ирдэнэр. Киирбит сайаапкалартан Саха сирин ырыынагар ураты, ирдэбиллээх уонна үрдүк интэриэстээх бырайыактар талыллыахтара.

Биисинэһи уонна өйөбүлү биэрии кээмэйин туһунан ыйытыктарга босхо «Итии лииньийэ» нөҥүө 8-800-100-58-80 нүөмэринэн хоруйдууллар. Итини таһынан ыйытыылары Саха сирин дьоҕус уонна орто урбаан порталыгар «Линия прямых обращений» сиэрбис нөҥүө xn--14-9kcqjffxnf3b.xn--p1ai саайтка суруйан эбэтэр 8-924-599-01-17 нүөмэргэ социальнай ситимнэринэн суруйан ыытыахха сөп.

Санатан эттэххэ, Арассыыйа Бэрэсидьиэнэ Владимир Путин көҕүлээбит «Дьоҕус уонна орто урбаан» национальнай бырайыагынан «Мой бизнес» киин Саха сиригэр биисинэс эйгэтигэр киэҥ хабааннаах өҥөнү босхо оҥорор.

Тэрэһиннэр, куонкурустар, өйөбүл оҥоруу тустарынан сиһилии тэрилтэ ТГ-ханаалыгар, ВКонтакте, Одноклассники уонна Мойбизес14.рф порталга билсиэххэ сөп. «Итии лииньийэ» нүөмэрэ: 8(800) 100-58-80.