Хаартыска: Тыа хаһаайыстыбатын министиэристибэтэ
Саха сиригэр бааһыналарга агротехническай үлэлэр ыытыллаллар. Өрөспүүбүлүкэ тыа хаһаайыстыбатын тэрилтэлэригэр ыһыы хампаанньатыгар бэлэмнэнэллэр. Бу туһунан Тыа хаһаайыстыбатын министиэристибэтигэр иһитиннэрдилэр.
«Билигин саамай улахан суолталаах үлэнэн буору хаһыы буолар. Хойутаатахха буор түргэнник сиигин сүтэрэр уонна үүнүүгэ быһаччы охсуулаах буолуоҕа», – диэн бэлиэтиир Тыа хаһаайыстыбатын министиэристибэтин сир оңоһуутун уонна мелиорациялааһынын департаменын салайааччыта Вячеслав Гаврильев.
Сөптөөх күн-дьыл усулуобуйатыгар уонна технологияларын тутуһууга өлгөм үүнүүнү ылыахтарын сөп. Бу олохтоох нэһилиэнньэни сибиэһэй тыа хаһаайыстыбатын бородууксуйатынан хааччыйыыга уонна сүөһү иитиитин баазатын бөҕөргөтүүгэ улахан суолталаах.
Амма улууһун тыатын хаһаайыстыбатын управлениетын салайааччыта Ион Кононов иһитиннэриитинэн, бастакы хаһаайыстыбалар ыам ыйын 8 күнүгэр буор үлэтигэр киирбиттэр. Ыһыы хампаанньатын саҕаланыытыгар «Амма», «Бөтүҥ» уонна «Абаҕа», «Сэргэ-Бэс» хаһаайыстыбалар кыттыстылар. Ыам ыйын 12 күнүттэн хонуу үлэтигэр «Болугур» хаһаайыстыба кытынна. Нэдиэлэ бүтүөр диэри улуус бары тыа хаһаайыстыбатын тэрилтэлэрэ сири оҥорууну түмүктүөхтэрэ уонна ыһыыга киириэхтэрэ.
Быйыл Амма улууһун аграрийдара 3 727 гектар сири ыһалларын былаанныыллар. Сүрүн үүнээйилэр — бурдук уонна биир сыллаах култууралар. «Бүгүҥҥү сорукпут — ыһыы үлэтин кэмигэр түмүктээһин», — диэн тоһоҕолоон бэлиэтээтэ Ион Кононов.
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…