Саха сирин аҕыс улууһугар ойуур баһаара умуруорулунна
27.06.2024, 12:30
Хаартыска: ЫБММ пресс-сулууспата
Бөлөххө киир:
Саха сиригэр ааспыт сууккаҕа 14 ойуур баһаара умуруорулунна. Бу туһунан чэппиэргэ, бэс ыйын 27 күнүгэр, СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.
«Ааспыт сууккаҕа космос уонна көтөр аалынан кэтээн көрүү түмүгүнэн, Саха сиригэр 3597,5 гектар иэннээх сиргэ 20 ойуур баһаара күөдьүөйбүтэ бэлиэтэннэ . 7184,5 га сиргэ 14 ойуур баһаара умуруорулунна. Абый, Алдан, Үөһээ Дьааҥы, Мэҥэ Хаҥалас, Нерюнгри, Таатта, Орто Халыма уонна Уус Алдан улуустарыгар ойуур баһаарын умуруоруута ситиһилиннэ»,- диэтэ кини.
Өлүөхүмэҕэ биэс уонна Таатта, Үөһээ Дьааҥы улуустарыгар биирдии уот турбутат тохтотулунна.
«Өрөспүүбүлүкэҕэ суукка саҕаланыыта 619 984 гектар иэннээх сиргэ 176 ойуур баһаара турбута бэлиэтэнэр уонна11 083 гектар иэннээх 3 ландшафтнай», — диэтэ Андрей Коноплев.
Ойуур баһаарын бохсууга 1430 киһи үлэлээтэ уонна 73 тиэхиникэ туһанылынна. Биэс улууска муниципальнай эрэгийиэннээҕи ыксаллаах быһыы-майгытын эрэсиимэ үлэлиирэ салҕанар.
«Бэс ыйын 26 күнүттэн Саха сиригэр ураты баһаарынай эрэсиимэ үлэҕэ киирбитэ. Ойуурга гражданнар сылдьаллара хааччахтанар», — диэтэ кини.
+1
+1
+1
+1
+1
1
+1
+1
Сообщить об опечатке
Текст, который будет отправлен нашим редакторам: