Саха сирин аҕыс улууһугар ойуур баһаардара баар

Саха сирин аҕыс улууһугар ойуур баһаардара баар. Балаҕан ыйын 8 күнүн сарсыардааҥы туругунан, барыта 9,9 тыһыынча гектар иэннээх сиргэ 13 ойуур баһаара турбута бэлиэтэннэ.

Айылҕа харыстабылын министиэристибэтэ иһитиннэрэринэн, бэнидиэнньик сарсыарда Бүлүү, Эдьигээн, Кэбээйи, Мииринэй, Өлүөхүмэ, Өлөөн, Орто Халыма уонна Томпо улуустарыгар ойуур баһаардара умайар. Эдьигээн уонна Мииринэй улуустарыгар икки ойуур баһаарын бохсуу кыаллыбыт. Өссө икки бөдөҥ баһаары Кэбээйи уонна Уус Алдан улуустарыгар умуруорбуттар. Уоту умуорууга 198 киһи тардыллыбыт. Ону таһынан, салгынтан кэтээн көрүү ыытыллар.

Өлүөхүмэ, Чурапчы, Уус Алдан, Эбээн-Бытантай улуустарыгар, Жатайга уонна Дьокуускайга баһаартан сэрэхтээх буолуу  ураты эрэсиимнэр күүстэригэр киирэн тураллар.