Хаартыска: Саха сирин судаарыстыбаннай цирката
Монголияҕа «Дэлхийн цирк» диэн аан дойдутааҕы циркаларын бырайыага түмүктэннэ, онно Саха сирин акробаттара ситиһиилээхтик кытыннылар.
Алтынньы 19-27 күннэригэр Улан-Баторга «AIC STEPPE ARENA» муус дыбарыаһыгар «World Circus in Mongolia» («Дэлхийн цирк») аан дойду циркаларын бырайыага буолан ааста. Бырайыакка Арассыыйа, Венгрия, Кытай, Монголия уонна да атын дойдулар артыыстара кытыннылар. Бу бырагыраамаҕа Саха сирин судаарыстыбаннай циркэтин артыыстара, «Саха сирин акробаттара» норуоттар икки ардыларынааҕы циркаларын бэстибээлин призердара улахан ситиһиилэнэн таҕыстылар. Салайааччы — СӨ үтүөлээх артыыһа Александр Посельскай.
Артыыстар акробатика эйгэтигэр үрдүк чыпчаалларын көрдөрөр нүөмэри билиһиннэрдилэр. Кинилэр бэйэ-бэйэлэрин ситэрсэн биэрэн, страховката суох үлэлииллэр. Нүөмэр кутталлаах ыстаҥаларынан эрэ буолбакка, чуолкайдык хамсаныыларынан соһутар. Тэрээһин урукку сыллардааҕар олус киэҥ уонна баай ис хоһоонноох буолла. Аан дойду циркаларын артыыстара, экзотическай харамайдар уонна технологическай ситиһиилэр Монголияҕа көрөөччүлэригэр умнуллубат түгэни бэлэхтээтэ. Саха сирин акробаттара өрөспүүбүлүкэни уонна тапталлаах «Бриллиантовай циркэни» билиһиннэрдилэр. Бу туһунан Саха сирин судаарыстыбаннай циркэтин ТГ-ханаала иһитиннэрэр.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…