Ахсынньы ыйга Саха сирин уопсастыбаннай түмсүүлэрин актыбыыстара “Арассыыйа” норуоттар икки ардыларынааҕы быыстапка-пуорумҥа сырыттылар. Бу дэлэгээссийэҕэ Анаабыр, Кэбээйи, Мииринэй, Чурапчы улуустарын, Дьокуускай куорат бэрэстэбиитэллэрэ киирбиттэрэ.
Быыстапкаҕа НХСБ 75-с павильоҥҥа туруоруллубут өрөспүүбүлүкэ истиэндэтин көрдүлэр. Кинилэр өрөспүүбүлүкэ ситиһиилэриттэн киэн туттубуттар. Бу иннинэ быыстапкаҕа Усуйаана улууһун бастыҥ үөрэнээччилэрэ сылдьыбыттара.
“Арассыыйа” быыстапкаҕа Саха сирин экспозициятын мөлүйүөн аҥарыттан ордук киһи көрбүт. Сэтинньи 12 күнүгэр Саха сирин күннэрин ыытыы бэлиэ түгэнинэн буолбута. Онно 45 тыһыынча киһи сылдьыбыта. Кинилэр бастыҥ мультипликационнай уонна уус-уран хартыыналары көрбүттэрэ, гастрономия бэстибээлигэр национальнай бүлүүдэлэри амсайбыттара, ыал буолуу сиэригэр-туомугар кыттыбыттара. Сүрүн сценаҕа “Русский танк “Алеша” ырыаны маассабайдык толорбуттара.
“Саха сирэ – Олоҥхо дойдута” экспозиция бастыҥынн билиниллибитэ. Эрэгийиэннэргэ наҕарааданы бэрэсидьиэн дьаһалтатын бастакы солбуйааччы Сергей Кириенко туттарбыта.
Санаттахха, дойду Бэрэсидьиэнэ Владимир Путин Уһук Илин сайдыытын XXI үйэ национальнай приоритетынан биллэрбитэ. “Арассыыйа” норуоттар икки ардыларынааҕы быыстапка-пуорум Арассыыйа Бэрэсидьиэнин Владимир Путин сорудаҕынан 2024 сыл муус устар 12 күнүгэр диэри ыытыллыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…