Хаартыска уонна видео: Елена Потоцкая.
Сэтинньи 25 күнүттэн 30 күнүгэр диэри Дьокуускай куоракка 12-с төгүлүн ыытыллар “Саха сирин амтана” гастрономия бэстибээлэ буола турар.
Быйыл күөн-күрэскэ кыттар сэттэ эрэстэрээн Арктика аһыгар-үөлүгэр болҕомтолорун уурдулар. Быйыл өбүгэ саҕаттан астанар астарга ордук болҕомто ууруллан, асчыттар үгүстэрэ маастар-кылаастары ыыттылар диэххэ сөп. Кинилэр ортолоругар төрүт аһы өр тутар, Саха сиригэр оттору аска хото туһанар Виктория Петрова эмиэ баар.
Кини “Уйгулаах ас” диэн телеграм-ханаалын үлэлэппитэ быйыл үһүс сыла.
— Бу бүлүүдэни үс күнү быһа астаатыбыт. 40 киһиэхэ астыырга 88 орто кээмэйдээх собону уонна Кэбээйи тоҕус улахан соботун тутуннубут. Маны ыраастыыр уустук үлэ эбит. Дьэ, ол 88 собо хатырыга төһө киилэ буолла диэн ыйытар буоллаххытына, биир орто пиала буолла. Онон биһиги халаадьыас оҥордубут. Ол курдук, хатырыгы ууга кутан, балтараа чаас кыра уокка оргутабыт. Ити кэмҥэ туох баар туһалаах эттиктэрэ мииҥҥэ барар уонна хойуннарар дьайылаах буолар, — диэн Виктория Петрова собо хатырыгыттан халадьыас оҥорбутун уонна салгыы араас бүлүүдэлэрин билиһиннэрдэ.
Бу маастар кылааска үгүс киһи сырытта. Нам улууһуттан сылдьар Семен Попов мүөтүнэн дьарыктанар буолан, айылҕаны кытта ыкса сибээстээх. Кини төрөөбүт күнүгэр бу тэрээһиҥҥэ сылдьарыгар кыыһа бэлэх ууммут. Онон Семен уонна Людмила Поповтар саха аһын биһирэмигэр сылдьан, кыыстарыгар улахан махталларын тиэртилэр.
Оттон генетик быраас идэлээх Оксана Сидорова өбүгэ аһын билиэн олус баҕарар эбит. Онон Виктория Петрова саха аһыгар ыытар маастар-кылааһын олус интэриэһиргээн, бу дьоро киэһэни көтүппэккэ санаммыт.
Виктрория Петрова бу дьоро киэһэтигэр анаан бэлэмнэммит. Кини бу астыахтаах астарын эрдэттэн нэдиэлэ инниттэн бэлэмнээбит.
Ити курдук, “Саха сирин амтана” гастрономия бэстибээлэ эрэстэрээннэргэ эрэ буолбакка, өбүгэ саҕанааҕы саха аһын сөргүтүүгэ үлэлэһэр дьоҥҥо “күөх уоту” эмиэ уматта.
Табаары тиэрдии ороскуоттарын учуоттаан туран, аһы-үөлү атыылыыр бөдөҥ тэрилтэлэртэн саҕалаан, дьоҕус тэрилтэ атыыһыттарыгар тиийэ сыананы…
Кыстыкка киириигэ саха дьоно номнуо идэһэлэрин дьаһайан, аһы-үөлү хаһааналлар. Бүгүн биһиги сүөһү уонна убаһа иһиттэн…
Арассыыйа Дьоруойа, уос номоҕо буолбут «Алеша» тааҥка наводчик-эпэрээтэрэ Алексей Неустроев Бүтүн Арассыыйатааҕы мас-рестлинг федерациятын вице-бэрэсидьиэнинэн…
Бу нэдиэлэҕэ Саха Өрөспүүбүлүкэтин сэттис ыҥырыылаах Судаарыстыбаннай Мунньаҕын (Ил Түмэн) XV (уочараттаах) пленарнай мунньаҕа буолан…
Ахсынньытааҕы хамнас Саҥа дьыл бырааһынньыктарыгар түбэһэр буоллаҕына, үлэни биэрээччи үлэһиттэрин хамнаһын эрдэ төлүөхтээх диэн ТАСС-ка…
Сэтинньи 25 күнүгэр «Олоҥхо» дэкээдэтин уонна «Хомус күнүн» көрсө Таатта улууһун И.В. Николаев аатынан Харбалаахтааҕы…