Андрей Сорокин хаартыската, СИА.
Сэтинньи 27 – ахсынньы 3 күннэригэр ыытыллар «Cаха сирин амтана» гастрономическай бэстибээл хайа күн тэриллиэҕиттэн тэрээһин Саха сирин, Сибиир, Арктика, Уһук Илин төрүт норуоттарын аһын-үөлүн билиһиннэрэн кэллэ.
Ол да иһин уон сыл устата киин куорат, өрөспүүбүлүкэ куораттарын уонна улуустарын кииннэрин эрэстэрээннэрэ уонна кафелара төрүт норуоттар астарын хото астыыр, билиһиннэрэр буоллулар. Бу «Саха сирин амтана» бэстибээл өҥөтө буолара саарбахтаммат. Онон Саха сиригэр ыалдьыттыы кэлбит дьон, бастатан туран, национальнай бүлүүдэни амсайыахтарын баҕаралларын биллэрдэхтэринэ, биһиги эрэстэрээннэрбит утары уунар астара үгүс диэххэ сөп.
«Саха сирин амтана» гастрономическай бэстибээл өрөспүүбүлүкэбит, нууччалыы эттэххэ, «визитнэй карточкатынан» буолла.
Быйыл дойдуга аатырбыт тэрээһиҥҥэ киин куорат 12 бастыҥ эрэстэрээнэ кыттыыны ылыаҕа. Новосибирскай, Камчатскай уобаластартан, Мурманскай, Хабаровскай, Приморскай кыраайдартан, Ямало-Ненецкэй национальнай уокуруктан ааттаах-суоллаах ресторатордар кыттыахтара. Бочуоттаах ыалдьытынан, дьүүллүүр сүбэ чилиэнинэн Казахстантан «Бамбарбия-Кергуду» эрэстэрээн дириэктэрэ Серикхан Адильханов буолуоҕа. Урбаанньыт эт бородууктаны астыыр уонна атыылыыр «Айкул» хампаанньаны төрүттээччи, кулинариянан уонна араас дойду төрүт аһын үөрэтиинэн дьарыктанар.
«Саха сирин амтана» бэстибээл ыытыллыаҕыттан балык уонна эт бүлүүдэлэрэ, үүт ас, отонтон утах эрэстэрээн аайы сакаастанар буоллулар. Убаһа, сибиинньэ, ынах, таба, тайах, көтөр (тыатааҕы этиттэн эмиэ) эттэриттэн ас арааһа оҥоһуллар.
Дьокуускайга Стадухина уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ. Бу…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…
Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини улаатыннаран, 100 мөл. солк. диэри тиэрдэр…
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…