Хаартыска: sakha.gov.ru
Аҕа дойду Дьоруойдарын күнүгэр, ахсынньы 9 күнүгэр, дойду Бэрэсидьиэнэ Владимир Путин Арассыыйа Дьоруойдарыгар «Кыһыл көмүс сулус» мэтээллэри туттарда.
Тэрээһиҥҥэ Саха сириттэн Арассыыйа Дьоруойдара Алексей Колесов, Алексей Неустроев, Филипп Евсеев, Игорь Юргин уонна Николай Евдокимов кытыннылар.
«Бүгүн, Аҕа дойду Дьоруойдарын күнүгэр, дойдубут уонна инники кэскилбит туһугар, үлэнэн, дьыаланан, хорсун быһыынан көрдөрбүт бар дьоммутугар сүгүрүйэбит. Кинилэри барыларын, Дьоруойдарбытын, төрөөбүт дойдуларыгар бэриниилээх буолуулара, үрдүккэ, кэрэҕэ тардыһыылара, Ийэ дойдуга тапталлара түмэр. Киэн туттабыт!», – диэтэ Владимир Путин.
Бэрэсидьиэн Арассыыйа Федерациятын Дьоруойдарыгар, ол иһигэр төрөөбүт дойдуларын туһугар олохторун толук уурбут Михаил Избракевка уонна Владимир Гавриленкоҕа наҕараадаларын туттарда.
Судаарыстыба баһылыга дойдуга «Время героев» каадыры бэлэмниир анал бырагыраама үлэлиирин санатта уонна билигин бастакы кыттааччылларын ортолоругар 60- тан тахса «Хорсун быһыы» уордьан кавалера, ону таһынан 21 байыас Арассыыйа Дьоруойун аатын сүгэр байыас баар.
Арассыыйа Дьоруойа, «Время героев» бырагыраама кыттыылааҕа, СӨ Ыччакка уонна социальнай коммуникация дьыалаларыгар миниистир эбээһинэһин толорооччу Игорь Юргин үөрүүлээх тэрээһин Кириэмил Георгиевскай саалатыгар ыытыллыбытыттан ураты долгутуулаах буолбутун бэлиэтээтэ.
«Олус долгуйдум. Бэрэсидьиэн анал байыаннай дьайыы бэтэрээннэрин чахчы элитанан уонна Арассыыйа киэн туттуутунан ааттаата. Владимир Владимирович доруобуйаны уонна олоҕу харыстаабакка төрөөбүт дойдутун уонна норуотун көмүскээһин ураты миссия буоларын бэлиэтээтэ. Ону таһынан биһиги доҕотторбутун көрүстүбүт», – диэн Игорь Юргин кэпсээтэ.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…