Саха сирин Арбитражнай суута бизоннары атыылааһыҥҥа дьыаланы көрүөҕэ

Саха Өрөспүүбүлүкэтин Арбитражнай суутун 2025 с. сэтинньи 11 күнүнээҕи быһаарыытынан, «Саха Өрөспүүбүлүкэтин Биологическай ресурсалар, ураты харыстанар айылҕа сирдэрин уонна айылҕа пааркаларын дирекцията»  тус урбаанньыктан кыыллары атыылыыр дуогабардарынан төлөөбөтөх суумата ирдэннэ. Дьыалаҕа №А58-10559/2025 нүөмэр иҥэрилиннэ.

Ирдэбил сайабылыанньатыттан көстөрүнэн, буруйдаах бас билиигэ 2024 с. төрөөбүт биэс тыа бизонун атыылаабыт. Дуогабардар быһыытынан буруйдаах төлөбүр сорҕотун эрэ ыыппыт, онон иэс суумата 400 000 солкуобайга тэҥнэспит.Ол кэннэ төлүүр эбээһинэһин толору толорботоҕунан сибээстээн, ирдэһээччи суукка үҥсүбүт, диэн Саха Өрөспүүбүлүкэтин сууттарын холбоһуктаах пресс-сулууспата иһитиннэрэр.