Бүгүн Айсен Николаев уонна саха народнай суруйааччыта, СӨ аҕыйах ахсааннаах норуоттар ассоциацияларын бэрэсидьиэнэ Андрей Кривошапкин өрөспүүбүлүкэ Арктическай зонатын уонна аҕыйах ахсааннаах омуктар сайдыыларын дьүүллэстилэр.
Андрей Кривошапкин Ил Дархаҥҥа кини ассоциация ыытар үлэтигэр ураты болҕомтотун, үгүс боппуруоһу быһаарыыга, үйэлэртэн үйэлэргэ тиэрдиллэн иһэр үгэстэри сайыннарыыга, төрүт тылы, култуураны харыстааһыҥҥа, уопсастыбаннай көҕүлээһиннэри өйүүргэ ыытар үлэтин, тылы сайыннарыыга уонна харыстааһыҥҥа өйөбүлүн иһин махталын тиэртэ.
Көрсүһүү кэмигэр ахсынньы 12 күнүгэр өрөспүүбүлүкэ уопсастыбаннаһа Ассоциация төрүттэммитэ 33 сылын туолар күнүгэр туох үлэ барарын кэпсэттилэр
«Биһиги Айсен Сергеевичтыын өрүү көрсөн кэпсэтэбит, араас боппуруостары дьүүллэһэбит. Бүгүн аҕыйах ахсааннаах норуоттары долгутар кэккэ боппуруоһу ырыттыбыт. Ол иһигэр Дьокуускайга Хотугу норуоттар дьиэлэрин тутуу боппуруоһун көрдүбүт. Өйүүн буолар Ассоциация 33 сылын туолар тэрээһинин тула кэпсэттибит», — диэн Андрей Кривошапкин эттэ.
«Арктика оройуоннарыгар олорор дьон олохторун таһымын үрдэтии судаарыстыба ыытар бэлиитикэтин сүрүн соруга. Аҕыйах ахсааннаах хотугу норуоттар ассоциациялара киллэрбит этиилэрэ биһиги Арктическай улуустары кытта ыытар үлэбитигэр төһүү өйөбүлүнэн буолаллар. Онон бииргэ үлэлээһин кэккэ соруктарын быһааран, хотугу омуктар сокуоннай интэриэстэрин көмүскүүргэ көдьүүһү аҕалар», — диэн бэлиэтээтэ Ил Дархан Айсен Николаев.
Ахсынньы 9-12 күннэригэр Дьокуускайга Аҕыйах ахсааннаах норуоттар ассоциацияларын тэрийиитинэн араас тэрээһиннэр буола тураллар. Уопсастыбаннай тэрилтэ 1989 сыл ахсынньы 12 күнүгэр тэриллибитэ. Онно анаммыт тэрээһиннэр сыл аайы СӨ Ис уонна тас дьыалаларга, Арктика уонна Хотугу норуоттар сайдыыларын министиэристибэлэрин, Өксөкүлээх Өлөксөй аатынан норуоттар доҕордоһууларын дьиэлэрин кытта бииргэ араас тэрээһиннэри тэрийэллэр.
Бу күннэргэ Дьокуускайга Норуоттар доҕордоһууларын дьиэтигэр «Туундара уонна ойуур дуораана-2022» аҕыйах ахсааннаах норуоттар эригийиэннэр икки ардыларынааҕы X бэстибээл-куонкурустара ыытылла турар. Маны таһынан, «Кружало» эргиэн дьиэтигэр хотугу норуоттар «Айар Уус» быыстапкаларын көрүөххэ сөп.
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…
Тохсунньу тоһуттар тымныытыгар табаһыттар хайдах үлэлииллэрэ буолла диэн киһи хайдах эрэ чаҕыйа саныыр. Ол эрээри, үлэ-хамнас сөпкө тэриллибит, үчүгэй салайааччылаах хаһаайыстыбалар саҥа 2026 сылга этэҥҥэ үктэннилэр. Эбээн Бытантай улууһугар “Кочевник” көс аҕа ууһун общината 2009 с. тэриллэн үлэлиэҕиттэн, үгүс эдэр дьону табаһыт уустук идэтигэр уһуйда. Ол саҕана саҥа тэриллэр кэмнэригэр 800-чэ табаны ылан, үлэлээн барбыттар.…
Ыччат дьон маатыраны күннээҕи туттар тылларыгар кубулутан эрэриттэн сонньуйабыт. Биир үтүө күн Күһүөрү биир үтүө күн үлэбиттэн дьиэбэр бараары оптуобуска…
Кириһиэнньэ кэмигэр, тохсунньу 18-19 күннэригэр, таҥара дьиэтигэр иһиттээх тиийэн сибэтиэй ууну ылыы, чардаат алларан ууга…