Саха сирин баһаарынайдара национальнай многоборьеҕа күрэхтэһиэхтэрэ

Сэтинньи 13 күнүгэр Дьокуускайга «Өрөгөй» успуорт комплексыгар 10 чаастан РФ Ыксаллаах быһыыга-майгыга министиэристибэтин эрэгийиэннээҕи управлениетын баһаарынай-быыһыыр бэһис этэрээтин куубагар национальнай многоборьеҕа күрэхтэһии ыытыллыаҕа.

Манна баһаарынайдар, аварийнай-быыһыыр сулууспалар исписэлиистэрэ кыттыахтара. Спортсменнар сэттэ көрүҥҥэ илин-кэлин түсүһүөхтэрэ: ыстаҥа, тутум эргиир, мас-рестлинг, оҕунан ытыы, 400 м. сүүрүү, хапсаҕай уонна ыараханы көтөҕүү.

Кыайыылаах уонна призердар куубактарынан, мэтээллэринэн, бириистэринэн наҕараадаланыахтара.