Хаартыска: Саха сиринээҕи ЫБММ пресс-сулууспата
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ.
Бу туһунан Саха сиринээҕи ЫБММ пресс-сулууспата иһитиннэрэр. Тоҕус хамаанда олоххо баар быһыыга-майгыга чугаһатыллыбыт хас даҕаны уустук тургутууну ааста. Күрэхтэһии бу көрүҥэ идэтийбит баһаарынайдар ортолоругар биир саамай бочуоттааҕынан ааҕыллар, тоҕо диэтэххэ дьиҥнээх бойобуой быһыыга-майгыга чугаһатыллыбыт усулуобуйаҕа ыытыллар.
Бары сорудахтар бойобуой таҥаһынан уонна тыынар уорганнары харыстыыр сириэстибэлэри туттан толоруллаллар. Күрэхтэһии кэмигэр дьүүллээччилэр эрчиллиилэри толоруу түргэнин эрэ буолбакка, хамаанда хас биирдии чилиэнин хамсаныыта төһө сөбүн сыаналаатылар.
Тыҥааһыннаах киирсии түмүгүнэн бары хамаандалар бэлэмнэрин үрдүк таһымын уонна кыайыыга дьулуурдарын көрдөрдүлэр.
Бастакы миэстэни Приморскай кыраай баһаарынайдара ыллылар, иккис миэстэҕэ — Саха сирин баһаарынайдара таҕыстылар, оттон үһүс миэстэҕэ — Магадан уобалаһын гаастан, буруоттан көмүскээччилэрэ тигистилэр.
«Көрдөрүллүбүт түмүктэр баһаары умуруорууга уонна дьону быыһыыр дьайыыларга дьиҥнээх сыанабылы биэрэллэр», – диэн Саха сиринээҕи ЫБМ управлениетын начаалынньыгын солбуйааччы Григорий Колданов эттэ.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…