Хаартыска: sakhagov.ru
Саха сирин баһаарынайдара Читаттан сылдьар биир идэлээхтэрин кытта Забайкальскай кыраайга ойуур баһаардарын умуруорууга, икки нэһилиэнньэлээх пууннары баһаартан быыһаан, улахан ситиһиилэннилэр диэн Экология, айылҕаны туһаныы уонна ойуур хаһаайыстыбатын министиэристибэтэ иһитиннэрэр.
Дьокуускайдааҕы авиация салаатын инструктора Порфирий Габышев салайааччылаах десантниктар бастакы бөлөхтөрө икки баһаары умуруордулар, ону тэҥэ биир улахан ойуур баһаарын төгүрүйдүлэр.
“Биһиги уолаттарбыт биир ситимнээхтик баһаар араас хайысхатыгар үлэлииллэр. Ордук Андрей Филиппов бөлөҕүн баһаарынайдарын бэлиэтиэхпин баҕарабын – кинилэр Чита баһаарынайдарын кытта Зеленое Озеро нэһилиэнньэлээх пууҥҥа уот тиийэрин тохтоппуттара”, — диир Габышев.
Таатта, Алдан уонна Чульман авиационнай управлениеларыттан өссө биир бөлөх исписэлиистэрэ Кыкер сэлиэнньэни харыстыыр сорудаҕы ситиһиилээхтик толордулар. Бөлөхтөрү ПДПС инструктора Афанасий Иванов салайда. Баһаарынайдар биир ситимнээх дьаһаллара хоромньуну сэрэтэр, нэһилиэнньэҕэ кутталы суох оҥорор кыаҕы биэрдэ.
Билиҥҥи туругунан, ити ыйыллыбыт нэһилиэнньэлээх пууннарга туох да куттал суох, ол эрээри оройуоҥҥа баһаары утары охсуһуу салҕанар.
Санаттахха, Саха сириттэн 150 баһаарынай Забайкальскай кыраайга ойуур баһаарын умуруорууа көмөҕө барбыттара.
Сиһилии: https://www.sakha.gov.ru/news/3810
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…