Саха сирин баһылыга Айсен Николаев Александр Самсонов чугас дьонугар, аймахтарыгар кутурҕанын биллэрдэ
![](https://sakha-sire.ru/wp-content/uploads/2024/05/1a927ba9-6048-42e8-874b-bb7fc4286296-960x596.jpg)
Саха сирин баһылыга Айсен Николаев Арассыыйа үтүөлээх артыыһа, өрөспүүбүлүкэ норуодунай артыыһа Александр Самсонов чугас дьонугар, аймахтарыгар кутурҕанын биллэрдэ. “Кыайыы ырыаһыта” 2024 сыл ыам ыйын 27 күнүгэр 89 сааһыгар олохтон барда.
“Александр Парфеньевиһы ис сүрэҕиттэн таптыыр, сыаналыыр элбэх омуктаах Саха сирин норуотугар улахан сүтүк буолла. Сэрии сылларынааҕы ырыалары толорор, тарҕатар номох буолбут ырыаһыты дьоно-сэргэтэ таптаан Кыайыы Ырыаһыта диэн ааттаабыттара. Кини ырыалара тыһыынчанан сүрэхтэр санааларын көтөҕөрө, күүс угара. Александр Парфеньевич туһунан тохтоло суох ахтыахха сөп. Мин бу үтүөкэн киһини кытта тус бэйэм билсэрбинэн киэн туттабын. Александр Парфеньевич ырыалара тыыннаахтарын, Саха сирин дьонун сүрэҕэр кини куолаһа доллоһуйарын тухары, кини туһунан өйдөбүл тыыннаах буолуоҕа. Александр Парфеньевич чугас дьонугар, аймахтарыгар дириҥ кутурҕаммын тиэрдэбин. Саха сирэ барыта эһигини кытта курутуйар”, — диэтэ Айсен Николаев.
Сообщить об опечатке
Текст, который будет отправлен нашим редакторам: