Хаартыска: Мария Васильева, СИА
Саха сирин баһылыга Айсен Николаев Саха Өрөспүүбүлүкэтин Бырабыыталыстыбатын бэрэссэдээтэлэ Кирилл Бычкову уонна ситэриилээх былаас уорганнарын салайааччыларын кытта көрүстэ. Мунньахха үп-харчы уонна баай-дуол эйгэтин үлэтин дьүүллэстилэр.
“Бырабыыталыстыба биир хамаанда курдук үлэлиэхтээх. Уопсай соруктары толорууга биэдэмистибэлэр икки ардыларыгар үлэ күүһүрүөхтээх, ол иһигэр дойду Бэрэсидьиэнэ Владимир Путин көҕүлээбит национальнай бырайыактарын олоххо киллэриигэ. Эрэгийиэн бырайыактарын үлэлэтиигэ бырайыактыыр салайыыны көхтөөхтүк туһаныахха”, — диэтэ Ил Дархан.
Өрөспүүбүлүкэ баһылыга үп министиэристибэтигэр ситэриилээх былаас уорганнарын уонна муниципалитеттары көдьүүһү үрдэтиигэ, эрэгийиэн уонна олохтоох бүддьүөттэр дохуоттарын хаачыстыбатын үрдэтиигэ, сир-уот экэниэмикэтин сайыннарыыга көмөлөһөр миэрэлэри чочуйарга соруйда.
Ону тэҥэ судаарыстыба бырагыраамаларын “бырайыактыыр” көрүҥҥэ көһөрүүгэ үлэ салҕаныахтаах, “Электроннай бүддьүөт” ГИС-кэ судаарыстыба бырагыраамалара киллэриллиэхтээхтэр. Стратегическай тумус тутуллар соруктары учуоттаан кэлэр үп-харчы кэмигэр бүдьүөт барылыгар үлэ ыытыллыахтаах.
Баайга-дуолга уонна сиргэ сыһыаннаһыыларга министиэристибэ сүрүн соруктарынан хаһаайынныыр субъектар үлэлэрин көдьүүһүн үрдэтии, тэрилтэлэргэ корпоративнай салайыныыны күүһүрдүү, тутулуга суох дириэктэрдэр институттарын киллэрии уо.д.а. курдук соруктар турдулар.
Сүрүн болҕомто Саха Өрөспүүбүлүкэтин биир кэлим геоплатформатын тэрийиигэ уонна “Корпоративнай салалта эрэгийиэннээҕи ситимин цифровизациялааһын” бырайыакка туһуланыахтаах. Биир кэлим геоплатформа судаарыстыбаннай уонна муниципальнай былаас уорганнарыгар картографическай кыаҕынан эрэ буолбакка, нэһилиэнньэ, тэрилтэлэр, инвестордар киирэн көрөллөрүгэр табыгастаах буолуохтаах.
Өрөспүүбүлүкэ Сыана судаарыстыбаннай кэмитиэтигэр уот эйгэтигэр сыананы уонна тарыыптары сүрүннээһиҥҥэ болҕомтотун уурарыгар этилиннэ, ол иһигэр ойдом энергетикалаах сирдэргэ, Арассыыйа орто таһымыгар диэри тарыыптары тэҥнээһини кытта ситимнээх уларыйыылары учуоттаан.
Өрөспүүбүлүкэ баһылыга бырабыыталыстыба чилиэннэрин кытта туспа анаан-минээн көрсүһүөҕэ. Айсен Николаев маннык көрсүһүүлэр бырабыыталыстыба структураларын үлэлэригэр биир кэлим сыһыаны олохтуурга көмөлөһүө диэтэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Өссө икки нэһилиэнньэлээх пууҥҥа гаас киллэриитэ былааннанарын туһунан, Бырабыыталыстыба отчуотугар Амма улууһугар үлэлиир оробуочай бөлөҕү…
ЫБММ Саха сиринээҕи управлениета иһитиннэрбитинэн, бүгүн, олунньу 5 күнүгэр, 15:05 ч. Баһаарынай-быыһыыр сулууспаҕа массыына умайан…
“Уһук Илиҥҥи федеральнай уокурукка табыгастаах куортам дьиэтэ” бырагыраама иитинэн 1003 кыбартыыраны тутуохтара. Бу туһунан «Центр…
Тыллары сайыннарар Сэбиэт мунньаҕар Айсен Николаев судаарыстыбаннай уонна өрөспүүбүлүкэ официальнай тылларын чөл хаалларар, сайыннарар судаарыстыбаннай…
Бу күннэргэ Өймөкөөн улууһугар тырааныспар уонна суол хаһаайыстыбатын миниистирэ Владимир Сивцев салайар бөлөҕө ситэриилээх былаас…
2024 сылга "Олохтоох каадырдары - бырамыысыланнаска" бырагырааманан Горнай улууһун 188 олохтооҕо үлэ булла. Бу туһунан…