Саха сиригэр олоҕу-дьаһаҕы хааччыйар тэрилтэлэргэ куттал суох буолуутун уонна терроризмтан көмүскэллээх буолууларыгар миэрэлэри күүһүрдүөхтэрэ. Онуоха бырамыысыланнас уонна оттук-энергетика комплексын эбийиэктэригэр өрөспүүбүлүкэ үрдүнэн саахалы туоратыыга эбии үөрэхтэр ыытыллыахтара.
Саха сирин Ил Дархана тырааныспар, коммуникация уона сибээс, энергетика, ону тэҥэ дьон олоҕор уонна доруобуйатыгар балачча кутталы үөскэтиэн сөптөөх эбийиэктэр үлэлэрин хааччыйыыга дьоһун эбийиэктэр кэрискэлэрин чопчулуурга соруйда. Итилэргэ хас биирдиилэригэр үлэ ураты эрэсиимин киллэрэр наадатын көрүөхтэрэ.
Бу иннинэ Саха сиригэр судаарыстыбанай былаас, олохтоох салайыныы уорганнарын уонна тэрилтэлэрин хардарыта суһаллык сыһыаннаһыыларыгар анал штабы тэрийбиттэрэ. Штаб куттал суоһааһынын үөрэтэр уонна кэлимсэ харабыллыыр-харыстыыр миэрэлэри бэлэмниир. Бу штабы өрөспүүбүлүкэ Ил Дархана салайар.
Санатан эттэххэ, Арассыыйа Бэрэсидьиэнэ Владимир Путин ыйааҕынан алтынньы 20 күнүттэн Донецкай уонна Луганскай норуодунай өрөспүүбүлүкэлэргэ, Запорожье уонна Херсон уобаластарыгар байыаннай балаһыанньа киллэриллибитэ. Кэккэ эрэгийиэннэргэ үрдүк бэлэмнээх буолуу уонна түргэнник дьаһаныы орто таһымнаах эрэсиимэ олохтоммута, онтон атыттарга, ол иһигэр Саха сиригэр ирдэбилгэ сөп түбэһэр (базовай) бэлэмнээх буолуу таһымын эрэсиимэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската
Ыам ыйын 11 күнүгэр «Саханефтегазсбыт» АУо Усть-Кут куоракка «Петр Бекетов» бастакы суудунаҕа уматыгы тиэйэн, Ленскэй…
Саха режиссердара Степан Бурнашев уонна Дмитрий Давыдов Каннатааҕы бэстибээл чэрчитинэн ыытыллар Producers Network бырагыраамаҕа кыттыахтара.…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллыаҕа. Суолталаах тэрээһин "Ытык…
Саха сиригэр бэс ыйын 8 күнүттэн үгэскэ кубулуйбут «Северное сияние» саахымакка улахан бэстибээл саҕаланар. Ону…
Бүгүн Ньурба улууһун иһитиннэрэр-биллэрэр тиһиктэрин үлэһиттэрэ улуус салалтатын кытта көрсөн, олоҕу-дьаһаҕы сырдатыы үлэтин сүбэлэстилэр. Бу…
Быйыл Саха сиригэр 4500 устудьуон этэрээтин байыастарын үлэнэн хааччыллыахтара. Кинилэр тутууга, иитиигэ, тыа хаһаайыстыбатыгар, өҥө…