Хаартыска: Андрей Сорокин, СИА
Ньурба оройуонугар оробуочай сырыытын кэмигэр Саха сирин баһылыга Айсен Николаев Ньурба куоракка Бүлүү эбэ кытылын тупсаҕай оҥорууну көрдө. Ил Дархан “Диалог” уонна “Урбан планинг” архитектура бюроларын интэриэһинэй бырайыактарын сэргээтэ.
“Бу кырдьык дьон олоҕун тупсарар кэрэ миэстэ. Маннык табыгастаах уопсастыбаннай эйгэни сир аайы тэрийиэххэ”, — диэн бэлиэтээтэ Айсен Николаев.
Кытыл Ленин уулуссаны кыйа Бүлүү эбэ таһыгар баар. Манна архитектура бырайыагынан элбэх өҥөнү оҥорор куорат былаһаакката аһылынна. Эбийиэк урбааны сайыннарыыга көмөлөһүөҕэ, Ньурба олохтоохторун култуураҕа тардыаҕа.
Санатан суруйдахха, бу кытыл “Сэттэ килэмиэтир” уопсастыбаннай эйгэ ситимин кэлимсэ бырайыагын иккис түһүмэҕинэн буолар. Кытыл киин чааһа “куорат тупсаҕай эйгэтин тэрийии” өрөспүүбүлүкэтээҕи бырагырааманан уонна “Дьоҕус куораттар уонна историческай сэлиэнньэлэр” куорат эйгэтин бастыҥ бырайыактарыгар кыайыынан үбүлэммитэ.
“Кэлэр түһүмэххэ 4 км усталаах сиргэ Бүлүү өрүһү кыйа хаамар променад тутуута көрүллэр. 2027 сылга эбийиэги толору киллэриэхпит. Манна 200 маһы олордуохпут”, — диэн Ньурба мээрэ Геннадий Игнатьев иһитиннэрдэ.
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…