Дьокуускайга балаҕан ыйын 29-30 күннэригэр “Арассыыйа Уһук Илин уокуругар энергия саҥардыллар көрүҥнэрин уонна намыһах углеродтаах энергетиканы сайыннарыы” норуоттар икки ардыларынааҕы VI кэмпириэнсийэ ыытыллар. Манна өрөспүүбүлүкэ Ил Дархана Айсен Николаев туох туһунан эттэ?
Саха сирэ Уһук Илиҥҥэ уонна Арктикаҕа энергия атын көрүҥнэрин тус суолталаах туһаныыны Саха сирэ салгыы ыытыаҕа. Бу туһунан өрөспүүбүлүкэ баһылыга Айсен Николаев “Арктика түөлбэтигэр уонна Уһук Илин эрэгийиэннэргэ саҥардыллар уонна атомнай энергетика: сайдыыны хамсатааччылар” пленарнай мунньахха эттэ.
“Геополитикаҕа тахсар быһыыга-майгыга, биһиги сүдү эрэгийиэммит Арассыыйа Илин диэки туһаайыытыгар тутаах сиринэн буоларынан, энергетикаҕа куттал суох буолуута, бигэ уонна туруктаах энергетика дьоһун судаарыстыбаннай суолталаахтар. Бу саҥа усулуобуйалар кэмнэригэр Саха сирэ килиимэт уларыйыытын содулларын аччатыыны, энергия экологияҕа буортута суох көрүҥнэрин туһаныыттан туора турбат уонна көхтөөхтүк кыттар”, — диэтэ Айсен Николаев.
Бүгүн өрөспүүбүлүкэҕэ күн күүһүнэн үлэлиир 28 уонна тыал күүһүнэн үлэлиир биир эбийиэк бааллар.
2021 сылтан Саха сиригэр “РусГидро” хампаанньа инвестордары кытта Муома уонна Дьааҥы оройуоннарыгар 6 гибриднэй ыстаансыйаны үлэҕэ киллэрбитэ. 2024 сыл бүтүөр диэри өссө 66 гибриднэй комплекс үлэлиэхтээх.
“Росатом” госкорпорацияны кытта Саха сирэ Усуйаана оройуонун Уус Куйга бөһүөлэгэр дьоҕус кыамталаах бастакы атомнай ыстаансыйаны тутуу бырайыагын торумнууллар, бу үлэҕэ 2028 сылга киириэхтээх. Ыстаансыйа эрэгийиэни уоттан тутулуга суох буолуутун уонна уотунан бырамыысыланнас тэрилтэлэрин хааччыйыаҕа.
Бу иннинэ Саха сирин Ил Дархана өрөспүүбүлүкэ Арктикаҕа саҥардыллар энергияны оҥорон таһаарыыны 2024 сылга 0,9-тан 10 % диэри тиэрдиэхпитин сөп диэбитэ.
Пленарнай мунньахха Айсен Николаев бу салаа үлэһиттэригэр 2021 сылга материальнай оҥорон таһаарыы эйгэтигэр И.Е.Винокуров аатынан Саха Өрөспүүбүлүкэтин Судаарыстыбаннай бириэмийэтин туттарда.
Дьокуускайга балаҕан ыйын 29-30 күннэригэр “Арассыыйа Уһук Илин уокуругар энергия саҥардыллар көрүҥнэрин уонна намыһах углеродтаах энергетиканы сайыннарыы” норуоттар икки ардыларынааҕы VI кэмпириэнсийэ ыытыллар. Эспиэрдэр энергетика сытыы боппуруостарын дьүүллэһиэхтэрэ, альтернативнай уонна атомнай энергетиканы сайыннарыыны кэпсэтиэхтэрэ. Тэрээһиҥҥэ Уһук Илиҥҥи ФУо субъектарын баһылыктара, норуоттар икки ардыларынааҕы уонна Арассыыйатааҕы бөдөҥ хампаанньалар, наука эспиэрдэрэ уо.д.а кытталлар.
Тэрээһин Саха сирин Бырабыыталыстыбатын, «Росатом» госкорпорация алын хампаанньаларын — “РусГидро” ПАУо уонна “Русатом Оверси”» АУо өйөбүллэринэн тэрилиннэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыытаылстыбатын пресс-сулууспата
Хаартыска: Андрей Сорокин түһэриитэ (СИА)
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…
Дьокуускай куорат төрөөбүт күнүгэр, балаҕан ыйын 14 күнүгэр, киин куоракка 14 оҕо күн сирин көрдө…
Дьокуускайга полиция 3-с №-дээх отделыгар 30 тыһ.солк. суумалаах бэлисипиэди уорбуттарын туһунан иһитиннэрбиттэр. Бу туһунан СӨ ИДьМ…
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо…