Саха сирин баһылыгар хандьыдааттар дебаттара: тупсаҕай уонна табыгастаах дьиэ

Саха сирин баһылыгын дуоһунаһыгар хандьыдааттар Виктор Губарев, Айсен Николаев уонна Гаврил Парахин  Саха сирин олохтоохторун тупсаҕай уонна табыгастаах дьиэнэн-уотунан хааччыйыыны хайдах быһаарар туһунан кэпсээтилэр.

Хандьыдаат Айсен Николаев ааспыт биэс сыл иһигэр 2,8 мөлүйүөн кв.м. олорор дьиэ тутуллубутун бэлиэтээтэ. Бу уонунан тыһыынча киһи саҥа дьиэҕэ көһөрүн хааччыйда.

Оттон хандьыдаат Гаврил Парахин Саха сирин нэһилиэнньэтин 50% киин ититиитэ уонна ыраас уута суох олороллор диэн кэпсээтэ. Кини инфраструктураны быһаарарга федеральнай былаас бэрэстэбиитэллэрин ыҥырарга эттэ.

Хандьыдаат Виктор Губарев судаарыстыба сокуон таһымынан нэһилиэнньэ кыаммат араҥатыгар: инбэлииттэргэ, элбэх оҕолоох ыалга, эчэйиини ылбыт байыаннай сулууспалаахтарга социальнай дьиэни тутарга этии киллэрдэ.