Саха сирин байыаннай кэрэспэдьиэннэрэ Оборуона министиэристибэтигэр аккредитацияны ааһыахтара
05.12.2022, 11:30
Бөлөххө киир:
Арассыыйатааҕы спецназ университетыгар байыаннай кэрэспэдьиэннэр куурустарыгар үөрэммит Саха сирин сонуну киэҥник тарҕатар ситимнэрин үлэһиттэрэ чугастааҕы кэмҥэ, РФ Оборуонатын министиэристибэтигэр аккредитацияны ааһыахтара уонна анал байыаннай эпэрээссийэ зонатыгар үлэлэрин саҕалыахтара.
Бу туһунан брифинг кэмигэр Москваҕа баар биир кэлим координационнай киин салайааччыта, бастайааннай бэрэстэбиитэл Андрей Федотов иһитиннэрдэ.
«Чугастааҕы кэмҥэ Оборуона министиэристибэтигэр «Сахамедиа» холдинг ЯСИА ааҕыныстыбатын уонна «Саха» НКИХ үлэһиттэрэ аккредитацияны ааһыахтара. Онон анал үөрэҕи ааспыт байыаннай кэрэспэдьиэннэр миэстэтигэр тиийэн биир дойдулаахтарын анал байыаннай дьайыыга кытта сылдьаларын көрүөхтэрэ-истиэхтэрэ, миэстэтиттэн сонуннары ыытыахтара», – диэтэ Андрей Федотов.
Москваҕа Ил Дархан Айсен Николаев быһаарыытынан тэриллибит Биир кэлим координационнай киин байыаннай сулууспалаахтарга үгүс хайысхалаах, ол иһигэр гуманитарнай көмөнү оҥоруунан, саҥа субъектары чөлүгэр түһэриинэн дьарыктанар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: