Саха сирин байыастарыгар хас даҕаны тыһыынча баһыылкалары, бэлэхтэри тириэртилэр

ДНР-га баар Саха сирин тирэх пуунун үлэһиттэрэ  күннэтэ гуманитарнай көмөнү тириэрдэллэр. Ол курдук биир дойдулаахтарбытыгар хас даҕаны тыһыынча аадырыстаах баһыылкалары уонна Саҥа дьыллааҕы бэлэхтэри  тириэртилэр.

Ил Дархан Айсен Николаев  өрөспүүбүлүкэ  тирэх пууннарын үлэһиттэригэр  махталын биллэрдэ.

«Тирэх пууннарга үлэ күнүстэри-түүннэри тохтообот. Үлэһиттэр байыастар төрөөбүт өрөспүүбүлүкэлэриттэн кэлэр баһыылкалары тириэрдиигэ туох баар күүстэрин, кыахтарын ууран туран үлэлииллэр. Кинилэр ахсаабат кыһамньылара  Кыайыыны чугаһатарга көмөлөһөр», – диэн бэлиэтээтэ  Айсен Николаев. 

ДНР-га баар Саха сирин тирэх пуунун старшайа Игорь Попов иһитиннэрбитинэн, бу күннэргэ өрөспүүбүлүкэттэн бэлэхтэри  «Восток» бөлөх  «Шторм V» штурмовиктарыгар илдьибиттэр.