Саха сирин байыастарыгар таба тириилэрин тиксэрдилэр

Донецкайга уонна Луганскайга баар Саха сирин тирэх пууннарын үлэһиттэрэ бу нэдиэлэҕэ байыастарга гуманитарнай көмөнү уонна аадырыстаах баһыылкалары таһынан, тиэхиньикэлэр, «ЯКТ-Сокол» квадроцикллар саппаас чаастарын эмиэ тиксэрдилэр. Бу туһунан бүгүн брифиҥҥэ Юстас диэн позвынойдаах сүрүн координатор иһитиннэрдэ.

«Саха сириттэн байыаннай дьайыыга кыттааччыларга анаан таба тириитин улахан баартыйата кэллэ. Байыаннай сулууспалаахтар бу көмөнү үөрэ көрүстүлэр. Бу тириилэр хонуу усулуобуйатыгар олус наадалар, саллааттар сөбүлээн илдьэ сылдьаллар», — диэн сүрүн координатор эттэ.

Кини этэринэн, байыастарга Саха сирин волонтердара олус көмөлөһөллөр.