Суһал байыаннай эпэрээссийэҕэ сылдьар байыастарбытыгар бэҕэһээ уочараттаах көмөнү уонна дьонноруттан баһыылкалары тиэртилэр. Таһаҕаһы тиэрдиигэ Донецкайдааҕы тирэх пуун бэрэстэбиитэллэрэ көмөлөстүлэр.
«Биһиги Саха сирин баһылыгар уонна олохтоохторугар көмөлөрүн иһин махатнабыт. Саха сириттэн мобилизация чэрчитинэн ыҥырыллан кэлбит байыаннай сулууспалаахтар бары туруоруллубут соруктары чиэстээхтик толоро сылдьаллар», – диэн «Кречет» диэн байыас махталын тиэртэ.
Атын туһаайыыга сытар Саха сириттэн сылдьар уолаттар көмө кэлэрин кэтэспиттэрин эттилэр, өрөспүүбүлүкэ салалтатыгар уонна биир дойдулаахтарыгар улаханнык махтаналларын биллэрдилэр.
РФ Сэбилэниилээх күүстэрин подразделениелара баар сирдэригэр Саха сириттэн сулууспалааччыларга тустаах баһыылкалар, эбии таҥас-сап, ас-үөл уонна экипировка ааспыт нэдиэлэҕэ күн аайы кэриэтэ тиэрдиллибитэ. Саха сирин, Донецкай уонна Доннааҕы Ростов тирэх пууннарын бэрэстэбиитэллэрэ тиһигин быспакка сүүһүнэн киилэ наадалаах таһаҕаһы тиэрдэллэр.
Санатан эттэххэ, «Саха сирэ эйигин кытта!» мобилизацияламмыт дьоҥҥо көмө пууна Дьокуускай к., Орджоникидзе уул. 10, баар, ким баҕалаах, үтүө санаалаах, бэйэҕит көмөҕүтүн тиксэриэххитин сөп. Үлэ бириэмэтэ 10:00-19:00, өрөбүлэ суох.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…