“Саха сирин балыга – 2023” атыы дьаарбаҥката ыытыллыаҕа

Бу өрөбүллэргэ Дьокуускайга Киров уулуссатыгар баар  “Аччыгый баһаарга”  “Саха сирин балыга – 2023” атыы дьаарбаҥката ыытыллар. Бастаан, Комсомольскай болуоссакка диэн  биллэрии тарҕаммыта эрээри, өрөмүөнүнэн сибээстээн, «Аччыгый баһаарга» ыытыллар буолбут.

Буолаары турар дьаарбаҥка туһунан “Аччыгый баһаары” тэрийээччи Дмитрий Громов маннык чопчулаата:

— Бу өрөбүл күннэргэ ыытыллар дьаарбаҥкаҕа өрүстээх хоту улуустар  бары кэриэтэ сайаапкалаатылар. Балык сыанатын хаһаайыстыбалар  бэйэлэрэ быһаллар. Дьаарбаҥка кэмигэр балыгы атыылыыр 15-20 туочука баар буолуоҕа. Онон кэлиҥ, балыкта атыылаһыҥ, — диэтэ.