“Саха сирин балыга —  2023” дьаарбаҥка

Ааспыт өрөбүлгэ Чурапчыттан тыа хаһаайыстыбатын бородууксуйатын атыылаабыттара. Бу өрөбүллэргэ балык дьаарбаҥката буолар дииллэр. Хайа дойду балыга атыыланарый?

Кырдьык, Дьокуускай куоракка Комсомольскай болуоссакка алтынньы 28-29 күннэригэр “Саха сирин балыга – 2023” быыстапка-дьаарбаҥка буолаары турар. Өрөспүүбүлүкэ тыатын хаһаайыстыбатын уонна аска-үөлгэ министиэристибэтиттэн иһитиннэрбиттэринэн, Булуҥ, Эдьигээн, Усуйаана, Аллараа Халыма балыктыыр хаһаайыстыбалара кытталара күүтүллэр. Чыыртан саҕалаан сибиэһэй балык арааһа  атыыланыаҕа диэтилэр.

Дьаарбаҥка сарсыарда 10:00 чаастан 17:00 диэри ыытыллар. Онон кыһыҥҥы аскытын хаһааныҥ. Балыгы атыыластаххытына, балыксыт сырата тиллиэҕэ.