«Саха сирин балыга» быыстапка-дьаарбаҥкаҕа уонтан тахса тэрилтэ кыттыаҕа

Дьокуускайга Хомсомуол болуоссатыгар  «Саха сирин балыга» быыстапка-дьаарбаҥка алтынньы 25-27 күннэригэр буолуоҕа.

Бу  уон төрдүс төгүлүн ыытыллар тэрээһиҥҥэ тыа сирдэриттэн элбэх кыттааччы баар буолара күтүллэр диэн  СӨ тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр. Манна уонтан тахса тыа хаһаайыстыбатын кэпэрэтиибэ, общиналар, Булуҥтан, Усуйаанаттан, Аллайыахаттан, Аллараа Халыматтан, Кэбээйиттэн тиийэ кэлэллэр.

Тэрийээччилэр уопуттаах маастардар тоҥ балыгы кыһан бэлэмниэхтэрин туһунан иһитиннэрэллэр. Киирбит үп-харчы байыастары өйүүргэ ыытыллар.

«Саха сирин балыга-2024» дьаарбаҥкаҕа кэлиҥ, сылдьыҥ, атыылаһыҥ. Дьаарбаҥка үс күн 10:00-17:00 ч. үлэлиир.

СӨ Ил Дарханын уонна Бырабыыталыстыбатын пресс-сулууспата