«Саха сирин балыга» дьаарбаҥка — сыана чэпчэкитэ суох

СӨ Тыатын хаһаайыстыбатын уонна ас-үөл бэлиитикэтин министиэристибэтэ үһүс күнүн «Саха сирин балыга» дьаарбаҥканы ыытар

Балыктыыр хаһаайыстыбалар -общиналар, биирдиилээн хаһаайыстыбалар хотуттан аҕалбыт балыктара дэлэй. Күһүҥҥү балык, баржанан кэлбитэ дииллэр. Куорат олохтоохторо уомулу хото атыылаһаллар. Саҥа дьылга бэлэмнэнэн уонна соҕуруу илдьээри искэҕи атыылаһаллар эбит.

Сыана чэпчэкитэ суох, «Сайсары» бааһынай ырыынагын сыанатын кытта тэҥ соҕус. Атыылааччылар кыралаан сыаналарын түһэрбиттэр. Хата, балык миинин итиилии атыылыылларын дьон сүрдээҕин ылан иһэллэр. Ордук таһырдьа тоҥо-хата турар атыыһыттар бэйэлэрэ.

Балыгы кытта тэҥҥэ ынах, убаһа этин, мүөтү атыылааччылар элбэхтэр. Эт 900-1200 солк., убаһа хаана -2000 солк. Алдан сугунун, уулаах отонун ылыахха сөп. 5,10 лиитирэлээх иһиттэргэ куталлар. Кытаатыҥ, дьаарбаҥканы баттаһа атыылаһыҥ.