«Саха сирин балыга» дьаарбаҥкаҕа балык арааһа атыыланна

Share

СӨ тыа хаһаайыстыбатын министиэристибэтин хаартыската

Дьокуускайга «Саха сирин балыга» дьаарбаҥка бэрт көхтөөхтүк ыытыллар. 

Тыа хаһаайыстыбатын уонна ас-үөл бэлиитикэтин министиэристибэтин иһитиннэриитинэн, быйылгы тэрээһиҥҥэ  балыгынан дьарыктанар 12 тэрилтэ, тыа хаһаайыстыбатын кэпэрэтииптэрэ, урбаанньыттар, уопсайа 120 туонна балыгы аҕалбыттар.

Араас тэрээһиннэр ыытыллыбыттар, артыыстар кэнсиэртээбиттэр, фудкорт тэриллибит. Уопуттаах маастардар балыгы кыһан ураһа курдук саһылаан таһаарыылара дьаарбаҥкаҕа мустубут дьон-сэргэ болҕомтотун тардыбыт.
Бэлиэтэммитинэн 29 киһи 55 мүнүүтэ иһигэр 288, 6 кг балыгы кыһан рекорд олохтообуттар. Оттон былырыын Ямало-Ненецкэй уокурук маастардара 140 кг балыгы кыспыттара диэн бэлиэтэнэр. Күөн күрэс кыайыылааҕынан Абый улууһун хамаандата тахсыбыт. Кинилэр 82 кг балыгы бэлэмнээбиттэр. Куонкурус түмүгүнэн киирбит харчы байыастары өйүүргэ ыытыллыа диэн иһитиннэриигэ этиллэр.
«Саха сирин балыга» дьаарбаҥканы СӨ тыа хаһаайыстыбатын уонна ас-үөл бэлиитикэтин министиэристибэтэ, өрөспүүбүлүкэҕэ балыгынан дьарыктанар хаһаайыстыбалар ассоциациялара тэрийбиттэр.
Тыа хаһаайыстыбатын миниистирэ Артем Александров дьаарбаҥка уон төрдүс төгүлүн тэриллибитин, манна балыксыттар, балыгы астааччылар түмсэллэрин бэлиэтиир.
«Биһиги күндү баайбыт нэһилиэнньэҕэ сыанатынан уонна аҕалыллар балык арааһынан сыл ахсын кыаллымтыа буолан иһиэ дии саныыбын. Быйыл сайыҥҥы балыктааһын кэмигэр үс туоннаттан тахса көмүс хатырыктаах хаптарыллыбыт, онтон сыл устатыгар 5 туонна», — диэн этэр миниистир. Артем Александрович балык хаһаайыстыбатын комплексын сайыннарыыга быйыл 50 мөл.солк. тахса үп-харчы ыытыллыбытын, ол материальнай-тэхиньиичэскэй баазалары бөҕөргөтөргө туһаайыллыбытын бэлиэтиир. Кини судаарыстыба өйөбүлэ инникитин да салҕаныа диэн этэр.

Тэрийээччилэр бу күннэргэ сибиэһэй балык атыылаһааччылар элбэхтэрин бэлиэтииллэр.

СӨ Ил Дарханын уонна Бырабыыталыстыбатын пресс-сулууспата

СӨ тыа хаһаайыстыбатын министиэристибэтин хаартыскалара

Recent Posts

  • Сонуннар
  • Сүрүн

2026 сылга мунньуллар биэнсийэттэн хас сууманы ылыахха сөбүн туһунан иһитиннэрдилэр

Арассыыйа олохтоохторо 2026 сылга  мунньуллар биэнсийэлэриттэн  440 тыһыынча солкуобайы биир кэмнээхтик ылыахтарын сөп диэн РИА…

6 часов ago
  • Сонуннар

Ефрем Семенов: «Каадыр бэлиитикэтигэр улахан болҕомто ууруллуоҕа»

Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…

6 часов ago
  • Сонуннар
  • Уопсастыба

Диана Соломонова: «Сийиэскэ этиилэрбин болҕомтоҕо ылбыттарыттан үөрдүм»

Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ  үгүс дьокутааты…

6 часов ago
  • Сонуннар
  • Уопсастыба

Дьоҕус урбааны өйүүр  боппуруос туора туран хаалыа суохтаах

Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…

7 часов ago
  • Байыаннай эпэрээссийэ
  • Уопсастыба

“Надеждалар” быйыл сүүрбэччэ араас көрүҥнээх 861 таҥаһы тиктилэр

“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…

7 часов ago
  • Бэрээдэк

Аймаҕар көмөлөһөөрү кирэдьиит ылан, улахан иэскэ киирбит

Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…

7 часов ago