Хаартыска: Мария Васильева, ЯСИА
Саха сиригэр судаарыстыбаннай түмүктүүр аттестацияны (СТА) ыытыы хаачыстыбатынан бастыҥ көрдөрүүлэри ситиспит үөрэх тэрилтэлэрин методическай уопуттарын киэҥник тарҕатыахтара. Бу туһунан СӨ Ил Дархана Айсен Николаев үөрэх уонна наука үлэһиттэрин Тохсунньутааҕы мунньахтарыгар тыл этиитигэр иһитиннэрдэ.
ГИА-ны ыытыыга үрдүк көрдөрүүлэри ситиспит үөрэх тэрилтэлэрин ахсааныгар Н.А. Алексеева аатынан Тэхиниичэскэй лиссиэй, Өрөспүүбүлүкэтээҕи лиссиэй-интэринээт, Арктическай оскуола, Нерюнгри куорат Е.А. Варшавскай аатынан 24 №-дээх Информационнай-технологическай лиссиэйэ уонна Дьокуускай куораттааҕы лиссиэй бэлиэтэннилэр.
Өрөспүүбүлүкэ салайааччыта оскуолалар кэлэктииптэрин эҕэрдэлээтэ уонна кинилэр мунньуммут уопуттарын тарҕатар наадатын бэлиэтээтэ.
«Оскуолалар кэлэктииптэригэр инникитин да ситиһиилэри баҕарабын, оттон Үөрэх уонна наука министиэристибэтиттэн кинилэр методическай уопуттарын бары кыалларынан киэҥник тарҕаталларыгар көрдөһөбүн. Биһиги бу испииһэккэ киирбит оскуолаларбыт ахсаанынан Уһук Илиҥҥэ инники күөҥҥэ сылдьабыт, ол аайы эппиэтинэспит өссө үрдүүр», — диэн кини эттэ. Кини тылларынан, сөптөөх ньымалар уопсай үөрэхтээһин тиһигэр СТА түмүктэрин туруктаах буолуутун үрдэтэр уонна муниципальнай тэриллиилэргэ үөрэх кыахтарын тэҥниир сыалтан киллэриллиэхтэрэ.
Айсен Николаев бэлиэтээбитинэн, Үөрэх сайдыытын уонна квалификацияны үрдэтии институтун баазатыгар баар Үөрэтэр киин үлэтигэр туспа болҕомто ууруллуоҕа. Икки сыл иһигэр педагогтар Саха сирин араас улуустарыттан түөрт тыһыынчаттан тахса үөрэнээччини БКЭ дистанционнай ньыманан бэлэмнээтилэр. Бырагыраамалар көдьүүстээхтэрэ бигэргэннэ – профильнай математикаҕа 70-тан тахса бырыһыанынан, оттон физикаҕа 50-тан тахса бырыһыанынан. СӨ н Ил Дархана кэлиҥҥи сылларга өрөспүүбүлүкэҕэ судаарыстыбаннай түмүктүүр аттестация түмүктэригэр үтүө уларыйыылар бэлиэтэммиттэрин эттэ. 2025 сыл түмүктэрэ эксээмэннэри ыытыы хаачыстыбата үрдээбитин көрдөрдүлэр — өрөспүүбүлүкэ дойдуга 21-с миэстэни ылла, ааспыт сыллардааҕар көрдөрүүлэрин быдан тупсарда.
«Мин санаабар, оҕолор бэйэлэрин идэлэрин талыыга өйдөөх-санаалаах сыһыаннарын көстүүтэ буолар. Маннык дьулууру хас биирдии оскуола, хас биирдии учуутал бары өттүнэн өйүөхтээх уонна салайан биэриэхтээх», — диэтэ кини.
Үөрэх уонна наука министиэристибэтигэр быһаарбыттарынан, бастыҥ оскуолалар уонна Үөрэтэр киин уопуттарын киэҥник тарҕатыы методическай арыаллааһыны кэҥэтиини, аныгы кэм үөрэҕин технологияларын киллэриини уонна педагогтар квалификацияларын үрдэтиини түстүүр. Бу миэрэлэри олоххо киллэрии үөрэх түмүктэрин хаачыстыбатын салгыы үрдэтиигэ уонна өрөспүүбүлүкэ бүтүннүүтүгэр судаарыстыбаннай түмүктүүр аттестацияны ыытыыга биир кэлим сыһыаны олохтуурга туһуланар.
ИДьМ сулууспатын Ленскэй оройуонун отделын дьуһуурунай чааһыгар кыһыл көмүс сыабын уонна 6 тыһ. солкуобайын уорбуттарын…
Саха сиригэр уопсай үөрэхтээһин тиһигэр каадыр боппуруостарын быһаарарга туһуламмыт «Сетевой учуутал» бырайыак кэҥэтиллиэҕэ. Сөптөөх сорудаҕы…
«Дом.РФ» баан сабаҕалыырынан, Арассыыйа Киин Баанын сүрүн ыстаапката соторунан сыыйа намтаан барыа. Ол түмүгэр ырыынак…
Саха сиригэр «Ойууру авиация көмөтүнэн харыстыыр Дьокуускайдааҕы баазата» тэрилтэ Эдьигээн уонна Орто Халыма куораттарыгар тэриллэр…
Күннээҕи түбүк быыһыгар, чуолаан үөрэх эйгэтигэр төһө элбэх үлэ ыытылларын бу салааттан ыраах киһи иҥэн-тоҥон…
Арассыыйа Дьоруойа, “Бастакылар хамсааһыннара” Бүтүн Арассыыйатааҕы оҕолор уонна ыччат уопсастыбаннай-судаарыстыбаннай хамсааһынын бырабылыанньатын бэрэссэдээтэлэ Артур Орлов …