Хаартыска -- СӨ Бырабыыталы стыбатын пресс-сулууспата
«Улахан сорук» — дойдуга киэҥник тарҕаммыт бырайыактыыр үлэ. Наукаҕа оҕо эрдэҕиттэн сыстыбыт үөрэнээччи инники кэскиллээх идэни таларыгар олук уурар хайысха. Ол эбэтэр, бу куонкуруска кыттыбыт оҕоҕо учуонайдар болҕомтолорун ууран, араас сүбэ-ама биэрэллэр. Хас биирдии тэрээһиҥҥэ кыттыбыт оҕо федеральнай баазаҕа киирэр. Ол эбэтэр кини ситиһиилэрэ, ханнык олимпиадаҕа уонна куонкуруска кыттыбыта мантан биллэр. Манна бэлиэтэммит оҕоҕо үрдүк үөрэххэ киирэригэр эбии баал ааҕыллар. Саха сирин оҕолорун үлэлэрин Наука аччыгый академията сүрүннүүр.
«Тэрилтэ аныгы ирдэбилгэ эппиэттиир баазалаах, үрдүк таһымнаах чинчийэр лабораториялардаах. Онон бу тэрээһиҥҥэ кыттыы — улахан наукаҕа олугу ууран саҕалааһын», — диэн бэлиэтээтэ Михаил Присяжнай.
«Улахан сорук» куонкурус кыайыылаахтарын ортотугар мэдиссиинэ, экология, Арктика тиэхиньикэтин салааларыгар сыһыаннаах бырайыактарга үлэлэспит оҕолор бааллар.
«Оҕолор улахан дьон курдук олус дуоспуруннаахтык, эппиэтинэстээхтик кытыннылар. Ол курдук, космическай инженерияҕа, биотехнологияҕа уонна экологияҕа, цифровой технологияҕа, альтернативнай энергетикэҕэ кыттыһыылара — Саха сирэ урутаан сайдыытыгар сонун хардыынан буолуоҕа«, — диэн Ил Дархан Айсен Николаев бэлиэтээтэ.
СӨ Аччыгый академиятын ректора Василий Павлов Наука аччыгый академиятын үөрэтэр лабораторнай куорпуһугар тэрээһин кыайыылаахтарын наҕараадалааһыҥҥа «Сириус» үөрэтэр киин чэрчитинэн Ил Дархан Айсен Николаев 2018 сыллаахха дьоҕурдаах оҕолору көрдөөн булар инниттэн эрэгийиэннээҕи киини аһарга көҕүлээбитин кэпсээтэ.
— Биһиги «Улахан сорук» тэрээһини алтыс сылын тэрийэбит. Бу сыллар тухары куонкурус үгүс кыайыылааҕа эксээмэнэ суох дойду бастыҥ университеттарыгар киирбиттэрэ», — диэн эттэ ректор.
Өрөспүүбүлүкэтээҕи түһүмэххэ улуустартан уонна куораттартан түмүккэ 140 оҕо анаан кэлэн уонна куйаар ситиминэн кыттыыны ыллылар.
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…
“Назар Петров биһиги ытыктыыр биир идэлээхпит, Өлөөн улууһун оройуоннааҕы киин балыыһатын кылаабынай бырааһа. Кини –…