Саха сиригэр «СӨ бастыҥ эдэр судаарыстыбаннай сулууспалааҕа» куонкурус үһүс төгүлүн ыытылынна. Кыайыылааҕынан РФ бэрэсидьиэнигэр өрөспүүбүлүкэ бастайааннай бэрэстэбиитэлистибэтин судаарыстыбаннай сулууспаҕа, каадырга, быраап үлэтигэр уонна информация көмүскэлигэр управлениетын сүрүн сүбэһитэ Алексей Иннокентьев ааттанна.
Бастыҥы талар куонкурус балаҕан ыйын 15 күнүттэн саҕаламмыта. Манна кыттарга диэн эдэр судаарыстыбаннай сулууспалаахтартан 23 сайаапка киирбитэ. Финалга уон бастыҥ ыччат ааһан, судаарыстыбаннай былаас уорганнара нэһилиэнньэни кытта үлэлэригэр этиилэрин киллэрдилэр.
Баар соругу барытын этэҥҥэ толорон, бастайааннай бэрэстэбиитэлистибэ үлэһитэ Алексей Иннокентьев инники күөҥҥэ таҕыста. Кини санаатын маннык үллэстэр:
— Мин судаарыстыбаннай сулууспалаах буолуохпун төрүкү баҕарарым. М.К. Аммосов аатынан Хотугулуу-Илиҥҥи федеральнай университет «Судаарыстыбаннай уонна муниципальнай салайыы» хайысхатын үөрэнэн бүтэрэн, иккис сылбын идэбинэн үлэлии сылдьабын. Маннык куонкурустарга кыттыы эдэр киһини сайыннарар дии саныыбын. Кыайбыт киһи быһыытынан өрөспүүбүлүкэбит туһугар өссө кыһанан туран уонна үтүө түмүктээхтик үлэлиэм.
Кыайыылаах РАНХиГС (Норуот хаһаайыстыбатын уонна судаарыстыбаннай сулууспа Арассыыйатааҕы академията) магистратуратыгар үөрэнэр кыаҕынан наҕараадаланна.
Бүгүн, сэтинньи 5 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускай куоракка күн…
Бүгүн, сэтинньи 5 күнүгэр, өрөспүүбүлүкэ баһыйар үгүс өттүгэр хаардыаҕа. Хотугулуу-арҕаа өттүгэр сөҥүү түһэрэ күүтүллүбэт. Муора…
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…