Хаартыска: Саха сиринээҕи ИДьМ пресс-сулууспата
Саха сиригэр сыл аайы ыытыллар «Норуот участковайа» Бүтүн Арассыыйатааҕы күрэх иккис эрэгийиэннээҕи түһүмэҕин түмүгүн таһаардылар. Тыҥааһыннаах киирсиигэ 12 тыһыынчаттан тахса куолаһы ылан, Мииринэй оройуонуттан учаастактааҕы полиция боломуочунайа, полиция майора Николай Корягин кыайыыны ситистэ.
Кини күрэх финалыгар өрөспүүбүлүкэни билиһиннэриэҕэ. Иккис түһүмэххэ Саха сирин араас оройуоннарыттан уон учаастактааҕы полиция боломуочунайдара кытыннылар. Министиэристибэ саайтыгар онлайн-куоластааһын түмүгүнэн, Арассыыйа ИДьМ Мииринэй оройуонунааҕы отделыттан учаастактааҕы полиция боломуочунайа Николай Корягин 2225 куолаһынан эрэллээхтик кыайыыны ситистэ. Кини эрэгийиэннээҕи түһүмэхтэр атын кыайыылаахтарын кытта «Норуот участковайа» Бүтүн Арассыыйатааҕы күрэх финальнай түһүмэҕэр кыттыаҕа. Биир дойдулаахпыт иһин сэтинньи 1-10 күннэригэр федеральнай таһымҥа онлайн-куоластааһын нөҥүө куоластыахха сөп. Наҕараадалааһын уонна сүрүн бирииһи туттарыы күрэхтэһээччилэр идэлээх бырааһынньыктарын – Учаастактааҕы полиция боломуочунайын күнүн иннинэ үөрүүлээх быһыыга-майгыга буолуоҕа, диэн Саха сиринээҕи ИДьМ пресс-сулууспата иһитиннэрэр.
Дьокуускайга, олунньу 4 күнүнээҕи дааннайдарынан, ОРВИ ыарыыттан 29 кылаас харантыыҥҥа барда. Бу туһунан Үөрэх управлениетын…
Бэҕэһээ, олунньу 4 күнүгэр, Дьокуускайга "Чолбон" бассейнҥа 64 саастаах дьахтар суорума суолланна. "Суһал көмө" биригээдэтэ…
Көҥүл тустууга Саха сирин сүүмэрдэммит хамаандата 16 саастарыгар диэри уолаттарга Арассыыйаҕа бастыыр иһин күрэхтэһиигэ кыттыаҕа.…
Олунньу 6 күнүгэр 15:00 чаастан Дьокуускайга "Чолбон" бассейнҥа түөрт төгүллээх олимпийскай чөмпүйүөн, аан дойду алта…
Бүгүн, олунньу 5 күнүгэр, Саха сирин сорох улуустарыгар -45 кыраадыс буолара күүтүллэр диэн УГМС иһитиннэрэр.…
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…