Саха сирин бастыҥ учууталларын наҕараадалаатылар

Саха сирин бастыҥ учууталларын наҕараадалаатылар

Ааптар:
06.10.2022, 08:54
Бөлөххө киир:

Учуутал күнүн иитинэн өрөспүүбүлүкэтээҕи улахан саалаҕа педагогтарга уонна үөрэх эйгэтин үлэһиттэригэр наҕараадалары, бириэмийэлэри туттардылар.

СӨ бырабыыталыстыбатын бэрэссэдээтэлэ Андрей Тарасенко эҕэрдэ тылы этэригэр педагог идэтэ оҕотуттан кырдьаҕаһыгар тиийэ ытыктанар идэлэртэн биирдэстэрэ буолар диэн бэлиэтээтэ. Өрөспүүбүлүкэ үрдүк наҕараадаларын сэргэ, 10 бастыҥ учууталга педагогическай үлэҕэ ситиһиилэрин иһин 200 тыһ. солк. суумалаах РФ Үөрэҕириигэ министиэристибэтин бириэмэйэлэрин туттардылар.

“СӨ үөрэҕин үтүөлээх үлэһитэ” үрдүк ааты Ефимова Агафья Дмитриевнаҕа (ХИФУ тас дойдуларга филологиятын уонна регионоведенияҕа институтун дассыана), Халтанова Екатерина Семеновнаҕа (Саха политиэхиньиичэскэй оскуола дириэктэрин солбуйааччы), Корякина Анна Осиповнаҕа (педагогическай үлэ бэтэрээнэ), Родионова Августина Михайловнаҕа (СӨ Үөрэҕин уонна билимин министиэристибэтин кылаабынай исписэлииһэ) иҥэрдилэр.

“Гражданскай килбиэн” ураты бэлиэни Куличкин Никифор Николаевич (В.П.Ларионов аатынан физика-тиэхиньиичэскэй лиссиэй информатикаҕа учуутала), Дьячковская Акулина Романовна (Усуйаана улууһун үөрэҕин управлениетын начаалынньыга), Нижник Надежда Николаевна (Дьокуускайдааҕы үөрэх управлениетын кылаабынай исписэлииһэ), СӨ Ил Дарханын кыраамататын Самсонова Мария Гаврильевна (Мэҥэ Хаҥалас улууһун Хаптаҕай оскуолатын нуучча тылын уонна литэрэтиирэтин учуутала), СӨ Бырабыыталыстыбатын кыраамататын Кысылбаиков Роман Гаврильевич (Дьокуускайдааҕы култуура уонна искусство кэллиэһин преподавателэ), “Судаарыстыбаннай гражданскай сулууспа туйгуна” бэлиэни Романова Светлана Револьевна (СӨ Үөрэҕин уонна билимин министиэристибэтин кылаабынай исписэлииһэ) ыллылар.

“Бастыҥ учуутал” кыайыылаах дьупулуомун Бидикина Елена Валерьевна (Алдан куорат 1-кы нүөмэрдээх оскуолатын англия тылын учуутала), Дьячковская Татьяна Николаевна (Д.П.Коркин аатынан Чурапчытааҕы олимпийскай эрэллэри бэлэмниир өрөспүүбүлүкэтээҕи интэринээт-оскуола омук тылыгар учуутала), Екшибаров Виктор Геннадиевич (Миринэйдээҕи политиэхиньиичэскэй лиссиэй физикаҕа, информатикаҕа учуутала), Заморщикова Варвара Васильевна (Дьокуускай куораттааҕы 31-с нүөмэрдээх оскуола алын кылааһын учуутала), Матвеева Павлина Артемовна (И.М.Павлов аатынан Чурапчы оскуолатын нуучча тылын уонна литэрэтиирэтин учуутала), Михайлова Зинаида Варфоломеевна (Амма улууһун Болугур оскуолатын алын кылаастарга учуутала), Семенова Оксана Николаевна (Амма улууһун Бөтүҥ оскуолатын биологияҕа учуутала), Терешкина Валентина Дмитриевна (Дьокуускай куорат 16-с нүөмэрдээх оскуолатын алын кылаастарга учуутала), Федорова Любовь Афанасьевна (Дьокуускай куорат 26-с нүөмэрдээх оскуолатын технологияҕа учуутала), Федорова Любовь Георгиевна (Сунтаардааҕы политиэхиньиичэскэй лиссиэй технологияҕа учуутала)  туттулар.

СӨ Ил Түмэн Судаарыстыбаннай мунньаҕын бочуоттаах кыраамататынан  Винокурова Марфа Ивановна (Хаҥалас улууһун Покровсккай куорат 2-с нүөмэрдээх оскуолатын муусукаҕа учуутала), Никифорова Татьяна Ивановна (М.К.Аммосов аатынан Хотугулуу-Илиҥҥи федеральнай университет преподавателэ) наҕараадаланнылар.

Хаартыска: Андрей СОРОКИН (СИА).

Лента
Салгыы
5 февраля
  • -38°C
  • Ощущается: -38°Влажность: 74% Скорость ветра: 1 м/с

Сообщить об опечатке

Текст, который будет отправлен нашим редакторам: