Саха сирин күүстээх, чулуу бөҕөстөрө Саха Өрөспүүбүлүкэтин норуотун артыыһа, ССРС физическэй култуураҕа уонна успуорка туйгуна, 60-с сылларга өрөспүүбүлүкэ чэпчэки атлетикаҕа рекордсмена, Москва куорат уонна Уһук Илин чөмпүйүөнэ, Мэҥэ Хаҥалас, Кэбээйи, Амма, Үөһээ Бүлүү улуустарын уонна Майа, 1-кы Тыыллыма, Тойбохой нэһилиэктэрин, Дьокуускай куорат, Саха Өрөспүүбүлүкэтин Бочуоттаах олохтооҕо, Саха хомсомуолун бириэмийэтин лауреата, дэгиттэр талааннаах Аркадий Михайлович Алексеев бирииһигэр быйаҥнаах көмүс күһүнү көрсө сахалыы многоборье көрүҥнэригэр өрөспүүбүлүкэ аһаҕас турнирын түһүлгэтэ тэриллэр.
Күрэхтэһии балаҕан ыйын 14 күнүгэр Мэҥэ Хаҥалас улууһун Майа сэлиэнньэтигэр ыытыллыаҕа. 700 000 солк. уопсай бириистээх турнирга «Дыгын оонньууларын» кыайыылааҕа Дьулустаан Ноговицын уонна Алексей Уваровскай, «Тоҕус Томтор оонньуулара» чөмпүйүөннэрэ Павел Друзьянов уонна Владимир Федоров, Тулагыттан «Геракл» Артем Ветров уонна өрөспүүбүлүкэ атын атлеттара кыттыахтара. Күрэхтэһии көрүҥнэрэ: хапсаҕай, 400 м сүүрүү, мас тардыһыы, ыараханы көтөҕүү, үҥүүнү ыраах быраҕыы. Күрэх кыайыылааҕар 500 000 солк., иккис призерга — 125 000 солк., үһүс призерга- 75 000 солк. туттарыахтара. Бу туһунан Мэҥэ Хаҥалас улууһун дьаһалтата суруйар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…