Хаартыскаҕа Чокуур Гаврильев түһэриитэ
Уһук Илиҥҥи федеральнай уокрукка Саха сирин бастайааннай бэрэстэбиитэлин солбуйааччы Петр Бурнашев уонна Аҕа дойду буойуннарын кэмитиэтин Саха сиринээҕи салаатын салайааччыта Светлана Диодорова-Лаврентьева, олунньу 17 күнүгэр, 64-с гвардейскай мотострелковай биригээдэҕэ сырыттылар.
Аҕа дойдуну көмүскээһиҥҥэ бойобуой дьайыыга дьоруойдуу маассабай уонна хорсун быһыыларын иһин, 64-с мотострелковай биригээдэҕэ 2022 сыл муус устарыгар дойду бэрэсидьиэнэ Владимир Путин ыйааҕынан “гвардейскай” бочуоттаах аат иҥэриллибитэ. Туруоруллубут соругу толороллоругар батальон тэҥэ ахсааннаах өстөөҕү урусхаллаабыттара, 40-тан тахса тиэхиньиэни эспиттэрэ. Үс нэдиэлэ устата полковник Азатбек Омурбеков салайааччылаах биригээдэ кыраныыссаҕа тааҥкалаах, байыаннай массыыналаах уонна ыарахан артиллериялаах өстөөх пехотатын 50-тан тахса кимэн киириитин бэлиэтээбитэ.
Өрөспүүбүлүкэ бэрэстэбиитэллэрэ байыаннай чаас кулуубугар Саха сириттэн баҕа өттүнэн барбыттары, байыаннай эпэрээссийэ кыттыылаахтарын, ону тэҥэ, саллааттары кытта көрүстүлэр. Бастайааннай бэрэстэбиитэлистибэ солбуйааччыта сорох баҕа өттүнэн барбыт дьон тиийбэтэх докумуоннарын тиксэрдэ уонна ыйытыыларга хоруйдаата. Петр Бурнашев сорох боппуруоһу тус хонтуруолугар ылла уонна Донбастан бааһыран кэлбит байыаннай сулууспалаахтар салгыы дойду госпиталларыгар эмтэнэллэригэр көмөлөһүөх буолан эрэннэрдэ.
Светлана Диодорова-Лаврентьева байыаннай сулууспалаахтар дьиэ кэргэттэригэр оҥоһуллар көмө уонна Аҕа дойдуну көмүскээччи буойуттар кэмитиэттэрин үлэтин туһунан кэпсээтэ. “Биһиги бары эһигинэн киэн туттабыт уонна кыайыылаах эргиллэргитигэр баҕарабыт. Өрөспүүбүлүкэ салалтатын кытта дьиэ кэргэттэргитигэр бары өттүнэн көмө уонна өйөбүл буолуохпут”, — диэн кини эттэ.
Саха сирин бэрэстэбиитэллэрэ байыаннай чаас хамандыырын, Арассыыйа Дьоруойа Азатбек Омурбековы кытта көрүстүлэр. Азатбек Асанбекович байыаннай эпэрээссийэ сулууспалаахтарын кытта сибээһи өрүү тутар, Саха сирин буойуннара кытаанах быһыылаахтарын бэлиэтиир.
Байыаннай чаас хамандыыра Ил Дархан Айсен Николаевка, хоту кыраай бары олохтоохторугар, байыаннай сулууспалаахтарга ис дууһаларыттан өйөбүллэрин, гуманитарнай көмөлөрүн иһин махтанна. Кини “Хоту-тент” хампаанньа оҥоһугун сэҥээрдэ. Бүрүнэр матырыйааллар мотострелоктарга технологияны туһанар аныгы дьайыылартан көмөлөһөн, кыайыыга сирдиир кыахтаахтар диэн этэр. Бу туһунан СИА суруйар.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…